காங்கிரசின் கரம் என்றும் உங்களுடன் உள்ளது: சோனியா வீடியோ வெளியீடு

புதுடில்லி: காங்கிரசின் கரம் என்றும் உங்களுடன் (பெண்கள்) உள்ளது என சமூகவலைதளத்தில் காங்கிரஸ் மூத்த தலைவர் சோனியா வீடியோ வெளியிட்டுள்ளார்.இது குறித்து வீடியோவில் சோனியா பேசியதாவது: கடுமையான பணவீக்கத்திற்கு மத்தியில் நமது பெண்கள் நெருக்கடியை எதிர்க்கொண்டுள்ளனர். பெண்களின் கடின உழைப்புக்கும், தவத்துக்கும் நீதி கிடைக்க காங்கிரஸ் நடவடிக்கை எடுத்துள்ளது. காங்கிரசின் மகாலட்சுமி திட்டத்தின் கீழ் ஏழை குடும்ப பெண்களுக்கு ஆண்டுதோறும் ரூ.1 லட்சம் தரப்படும்.

இந்தியர்களுக்கு அதிகாரம்

இந்த உத்தரவாதங்கள் ஏற்கனவே கர்நாடகா மற்றும் தெலுங்கானாவில் உள்ள கோடிக்கணக்கான குடும்பங்களின் வாழ்க்கையை மாற்றியுள்ளன. காங்கிரசின் கரம் என்றும் உங்களுடன் உள்ளது. காங்கிரஸ் கட்சி தனது திட்டங்கள் மூலம் இந்தியர்களுக்கு அதிகாரம் அளித்துள்ளது. சுதந்திரப் போராட்டம் முதல் நவீன இந்தியாவை உருவாக்குவது வரை பெண்கள் மகத்தான பங்களிப்பை அளித்துள்ளனர். இவ்வாறு அவர் பேசினார்.