உள்ளூர் செய்திகள்

/ செய்திகள் / இந்தியா / கொலை வழக்கை விசாரித்து முடிக்க 40 ஆண்டுகளா? உச்ச நீதிமன்றம் அதிருப்தி

கொலை வழக்கை விசாரித்து முடிக்க 40 ஆண்டுகளா? உச்ச நீதிமன்றம் அதிருப்தி

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

-டில்லி சிறப்பு நிருபர்-கொலை வழக்கில் தண்டிக்கப்பட்ட நபர் தொடர்ந்த மேல்முறையீட்டு மனுவை விசாரித்து முடிவு எடுக்க அலகாபாத் உயர் நீதிமன்றம் 40 ஆண்டுகளுக்கு மேலாக எடுத்துக் கொண்டதற்கு உச்ச நீதிமன்றம் கவலையையும், அதிருப்தியையும் வெளிப்படுத்தியுள்ளது. தேங்கிக் கிடக்கும் வழக்குகளை விரைந்து முடிக்க என்னென்ன புது உத்திகளை கையாளலாம் என கேள்வி எழுப்பியுள்ளது.உத்தர பிரதேச மாநிலத்தை சேர்ந்த விஜய் சிங் என்பவர், தன் சகோதரரை சுட்டுக் கொன்றதாக குற்றஞ்சாட்டப்பட்டு, 1983 நவம்பரில் கைது செய்யப்பட்டார். அப்போது அவருக்கு வயது 28. இந்த கொலை வழக்கை விசாரித்த கான்பூர் விசாரணை நீதிமன்றம் அவரை குற்றவாளி என அறிவித்து 1985, டிசம்பரில் ஆயுள் தண்டனை வழங்கி தீர்ப்பளித்தது.இதனை எதிர்த்து விஜய் சிங் அலகாபாத் உயர் நீதிமன்றத்தில் மேல்முறையீட்டு மனு தாக்கல் செய்தார். எனினும், இந்த மேல்முறையீட்டு மனுவை கடந்த 41 ஆண்டுகளாக விசாரிக்காமல் அலகாபாத் உயர் நீதிமன்றம் நிலுவையிலேயே வைத்து இருந்தது.ஒருவழியாக கடந்த பிப்., 9ம் தேதி விஜய் சிங்கின் மேல்முறையீட்டு மனுவை தள்ளுபடி செய்து, 20 பக்க தீர்ப்பு வழங்கியது. கொலை வழக்கில் மேல்முறையீட்டு மனுவை விசாரிக்க நீண்ட காலம் எடுத்துக் கொண்டதை சுட்டிக்காட்டி விஜய் சிங் தரப்பில் உச்ச நீதிமன்றத்தில் முறையிடப்பட்டது.அதில், 'தற்போது எனக்கு 72 வயதாகிறது. என் இளமை, நடுத்தர வயது, தற்போதைய முதிய வயது என ஒட்டுமொத்த வாழ்க்கையையும் குற்றவாளி என்ற நிழலிலேயே கழித்து வருகிறேன். அந்த அளவுக்கு 40 ஆண்டுகளுக்கு மேலாக மேல்முறையீட்டு மனு விசாரிக்கப்பட்டு, கடைசியாக தள்ளுபடி செய்யப்பட்டுள்ளது' என குறிப்பிட்டு இருந்தார்.அவரது மனு, உச்ச நீதிமன்றத்தின் கோடைகால அமர்வு நீதிபதிகள் பிரஷாந்த் குமார் மிஸ்ரா மற்றும் சந்துர்கர் முன் இன்று விசாரணைக்கு வந்தது. அப்போது நீதிபதிகள் பிறப்பித்த உத்தரவு:கொலை வழக்கில், மேல்முறையீட்டு மனுவை விசாரிக்க 41 ஆண்டுகள் எடுத்துக் கொள்ளப்பட்டது கவலையை ஏற்படுத்துகிறது. தேங்கி கிடக்கும் வழக்குகளால், நீதி பரிபாலனத்தில் பெரும் முடக்கம் ஏற்பட்டுள்ளது. இந்த நிலையை மாற்ற என்னென்ன உத்திகளை கையாள வேண்டும் என்ற கேள்வி எழுந்துள்ளது. இவ்வாறு நீதிபதிகள் உத்தரவிட்டனர்.வழக்கு விசாரணையின்போது, விஜய் சிங் மூன்று மாதங்கள் மட்டுமே சிறையில் இருந்ததையும், அதன் பின் 43 ஆண்டுகளாக ஜாமினில் இருந்தபடி மேல்முறையீட்டு வழக்கை நடத்தி வந்ததையும் நீதிபதிகள் கவனித்தனர். எனவே, உச்ச நீதிமன்றம் இவ்வழக்கை விசாரித்து முடிக்கும் வரை அவரது ஜாமினை நீட்டிப்பதாக உத்தரவிட்டனர்.தேங்கி கிடக்கும் வழக்குகளை விரைந்து முடிப்பது குறித்து நீதிபதிகள் கேள்வி எழுப்பியிருந்த நிலையில், மூத்த வழக்கறிஞர் சித்தார்த் தவே மற்றும் வழக்கறிஞர் ஜோஹெப் ஹுசைன் யோசனைகளை முன்வைத்தனர். குறிப்பாக '30 ஆண்டுகளுக்கு மேலாக நிலுவையில் இருக்கும் வழக்குகளை தள்ளுபடி செய்யலாம்' என சித்தார்த் தவே யோசனை தெரிவித்தார்.ஆனால், இதை உச்ச நீதிமன்ற நீதிபதிகள் நிராகரித்தனர். 'நிலுவையில் இருப்பதை மட்டுமே காரணம் காட்டி, வழக்கை தள்ளுபடி செய்வதை சட்டம் அனுமதிக்காது. அப்படி செய்வது இருதரப்பு நியாயங்களை அறியும் வாய்ப்பை மறுப்பதாக அமைந்துவிடும்' என தெரிவித்தனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 24 )

வில்லிபுத்தூரான்
அக் 29, 2026 19:48

விடுங்க ஐயா இன்னும் ஒரு 40 வருடம் போகட்டும்....ஒத்தி வைப்பு ஜாமீன் வாய்தா மீண்டும் வழக்கு தேக்கம்.ரிபீட்டு.


சுந்தரம் விஸ்வநாதன்
ஜூன் 10, 2026 09:09

ஒவ்வொருவழக்குக்கும் மூன்று அல்லது ஐந்து முறைகளுக்கும் மேல் வாய்தா வழங்கக்கூடாது என்று கண்டிப்பு காட்டுங்கள். பல வழக்குகள் தீர்வுக்கு வந்துவிடுமே


Arul Narayanan
ஜூன் 10, 2026 21:11

இந்த வழக்கில் வாய்தாக்கள் வந்தனவா என்பதே கேள்வி தான்.


baala
ஜூன் 10, 2026 08:54

விரைவான வழக்கு விசாரணை


raja
ஜூன் 10, 2026 07:23

ஏன் நீங்கள் ஒவ்வரு வழக்குக்கும் இவ்வளவு காலத்துக்குள் முடிக்க வேண்டும் என்று கால நிர்ணயம் செய்ய முடியாதா... கேக்கிறவன் எல்லாம் கேனையன்னு நினைத்து விட்டீர்கள் ..


raja
ஜூன் 10, 2026 07:19

எல்லாத்துக்கும் நீங்க தான் காரணம் நீதிபதிகளே...தீர்பு கொடுத்த பிறகும் அதை நிறுத்தி வைத்து பதவி பிரமாண செய்து வைக்க முடியுமா முடியாதான்னு ஆளுநருக்கு ஆடர் போட்டவங்க நீங்க.. இன்னமும் தண்டனை பெற்ற குற்றவாளி வெளியதான் சுற்றி கொண்டு இருக்கிறான் ஜாலியா...அப்புறம் உங்க கிட்ட எப்படி நீதியை எதிர்பார்க்க முடியும்...


மொட்டை தாசன்...
ஜூன் 10, 2026 07:08

காலாவதியான நீதிமன்ற சட்டங்களை தற்காலத்திற்கு ஏற்றவாறு மாற்றியமைத்தாலொழிய இதற்க்கு தீர்வு கிடையாது. தற்போதைய நடைமுறையிலுள்ள தண்டனை சட்டங்கள்தான் ஒருவரை குற்றம்செய்ய தூண்டுகிறது .


அப்பாவி
ஜூன் 10, 2026 06:51

நீதி மன்றங்கள் வெறும் தபால் ஆபிசாக மாறி ரொம்ப நாளாச்சு.


R.RAMACHANDRAN
ஜூன் 10, 2026 06:37

பணம் பத்தும் செய்யும் என்ற பழமொழிக்கு ஏற்ப நீதி மன்றங்களில் லஞ்சம் தலைவிரித்து ஆடுவதால் எப்போது லஞ்சம் கொடுப்பவர்கள் விரும்புகின்றனரோ அப்போது வழக்குகளை பட்டியலிட்டு வழக்குகள் போல பாவனை செய்கின்றனர்.


Mani . V
ஜூன் 10, 2026 05:16

எது அதிருப்தியா? ஆமா, உச்ச நீதிமன்றத்தில் உள்ள வழக்குகள் எத்தனை மாமாங்கமாக கிடப்பில் கிடக்கிறது? இவர்களுக்கெல்லாம் மக்களின் வரிப்பணத்தில் நல்ல சம்பளம், சம்பளத்துடன் கோடை விடுமுறை, அரசு பங்களா, அதில் மக்களின் வரிப்பணத்தில் சம்பளம் பெறும் பணியாளர்கள். உலகில் சொகுசு வாழ்க்கை வாழும் சிலரில் இவர்களும் அடக்கம். ஆங்கிலேயர் காலத்தில் அவர்களுக்கு இந்தியாவின் கோடை வெப்பத்தை சமாளிக்க முடியாமல் நீதிமன்றகளுக்கு கோடை விடுமுறை விட்டார்கள். இந்தியாவில் பிறந்த இவர்களுக்கு எதற்கு கோடை விடுமுறை? தங்களுக்குச் சாதகமானவைகளுக்கு ஆங்கிலேயர்கள் கடைபிடித்த நடைமுறைகளை மாற்றத் தெரிந்த இவர்களுக்கு, இந்த கோடை விடுமுறை நடைமுறையை நீக்க தெரியவில்லை. ஏனென்றால், மக்களின் வரிப்பணத்தில் சுகபோக வாழ்க்கைக்கு அடிமையாகிப் போனார்கள்.


Vijay D Ratnam
ஜூன் 10, 2026 02:07

தாமதிக்கப்படும் நீதி மறுக்கப்படும் நீதிக்கு சமம் என்பார்கள். மற்ற நாடுகள் வேறு, இந்தியா வேறு. நாட்டுக்கு ஒரேயொரு உச்சநீதிமன்றம்தான் இருக்கனுமா. காலை 6 மணி முதல் பிற்பகல் 2 மணி வரை ஒரு ஷிப்ட், பிற்பகல் 2 மணி முதல் இரவு 10 மணி வரை ரெண்டாவது ஷிப்ட் என்று இரண்டு ஷிப்டில் கோர்ட் இயங்கினால் என்ன? பிரிட்டிஷ் ஆட்சிக்காலத்தில் இந்திய மக்கட்தொகை 25 - 30 கோடி இருக்கும்போது ஒரு உச்சநீதிமன்றம் தொடங்கினார்கள். இன்று 140 கோடி மக்கட்தொகை இருக்கும்போதும் அங்கனயே குப்பை கொட்டணும்னா கதைக்காவுமா. தேசத்தின் வடக்குக்கு டெல்லி, கிழக்குக்கு கோல்கட்டா, மேற்குக்கு மும்பை, தெற்குக்கு சென்னை என்று நான்கு இடங்களில் சுப்ரீம் கோர்ட் வைக்க கூடாதா. சட்டத்தில் அதற்கு இடமில்லையா ? இடமில்லையென்றால் சட்டம் இயற்ற வேண்டியதுதானே.


புதிய வீடியோ