தொழிற்சாலை கூரை இடிந்து தொழிலாளி உயிரிழப்பு
புதுடில்லி:தொழிற்சாலை கூரை இடிந்து விழுந்து காயம் அடைந்த இரு தொழிலாளர்களில் ஒருவர் உயிரிழந்தார். வடகிழக்கு டில்லி நியூ உஸ்மான்பூரில் இரும்பு ஸ்டாண்ட் தயாரிக்கும் தொழிற்சாலையின் கூரை, நேற்று முன் தினம் மாலை 6:00 மணிக்கு இடிந்து விழுந்தது. இடிபாட்டுக்குள் சிக்கிய தாஜிம்,25, அக்ரம் ஆகிய இரண்டு தொழிலாளர்கள் மீட்கப்பட்டு மருத்துவமனையில் சேர்க்கப்பட்டனர். இருவருக்கும் தீவிர சிகிச்சை அளிக்கப்பட்டு வந்த நிலையில், அக்ரம் நேற்று உயிரிழந்தார். இதுகுறித்து, போலீசார் வழக்குப் பதிவு செய்து விசாரிக்கின்றனர்.