பெரு நகரங்களில் மதிப்பெண் குறைவது ஏன்?
சென்னை: இருபதாண்டுகளுக்கு முன் வரை, பிளஸ் 2 பொதுத்தேர்வில், மாநில அளவில், "டாப் ரேங்க்" எடுத்த மாணவர்களில் பெரும்பாலானோர் பெரிய நகரங்களைச் சேர்ந்தவர்களாக இருந்தனர். ஆனால் சமீபகாலமாக, எல்லாமே தலைகீழாக மாறியுள்ளது. இது, பெரிய நகரங்களில் வசிக்கும் பெற்றோர்கள் மத்தியில் அதிர்ச்சியை ஏற்படுத்தி உள்ளது.இதை நிரூபிப்பதற்கு, கடந்த மூன்று ஆண்டு பிளஸ் 2 பொதுத்தேர்வில், "டாப் ரேங்க்" பெற்ற மாணவர்கள் படித்த ஊர்களைப் பார்த்தாலே தெரியும்.ஆண்டு வாரியாக சாதனை மாணவர்கள்:2011 - டாப் 3 இடங்கள்1. ரேகா - ஓசூர்2. வேல்முருகன் - கள்ளக்குறிச்சி3. வித்யா சகுந்தலா - திருநெல்வேலி3. ரகுநாத் - பெரியகுளம்3. சிந்துகவி - நாமக்கல்3. ரேகா - ஓசூர்2010 - டாப் 3 இடங்கள்1. பாண்டியன் - தூத்துக்குடி2. சந்தியா - நாமக்கல்2. காருண்யா - ஊத்தங்கரை2. தினேஷ் - ஊத்தங்கரை3. பிரதக்ஷனா - விருதுநகர் 3. அபிநயா - ஈரோடு3. மனோசித்ரா - நாமக்கல்3. ஆன்டோ நஜாரனே - அரியலூர்3. ஸ்ரீவித்யா - சென்னை2009 - டாப் 3 இடங்கள்1. பிரவீன் -கரூர்1. ரமேஷ் - தென்காசி1. சிஞ்சு - ஊத்தங்கரை1. லிங்கேஸ்வரன் -ஈரோடு2. சுகவனேஷ் - தர்மபுரி2. ஐஸ்வர்யா - ஓசூர் 3. மீரா ராசிபா - நாமக்கல்3. வைத்தீஸ்வரன் - நாமக்கல்3. ஜாசிமா சுலைழா - திருநெல்வேலி3. யாழினி-தூத்துக்குடி2008 - டாப் 3 இடங்கள்1. தாரணி - நாமக்கல்1. ராஜேஷ் குமார் - செங்கல்பட்டு2. ரம்யா - ஈரோடு2. விக்ரம் - நாமக்கல்3. தீபா - நாமக்கல்ஆக, இந்த பட்டியலில் சென்னை, மதுரை, கோவை, திருச்சி போன்ற நகரங்களைத் தேட வேண்டி உள்ளது. இதற்கு முக்கிய காரணம் மாணவர்கள் படிக்கும் முறை தான். கிராமப்புறங்கள் மற்றும் சிறு நகரங்களில் படிக்கும் மாணவர்கள், அவரவர் ஆசிரியர் சொல்லித் தருவதை மட்டுமே பெரும்பாலும் பின்பற்றுகின்றனர். ஒரே பாதையில் சென்று பொதுத்தேர்வை அணுகுகின்றனர். பெரிய நகரங்களில் கோளாறே இங்குதான் ஆரம்பிக்கிறது.பள்ளியில் ஆசிரியர் ஒரு பாணியில் சொல்லித் தருவார். வெளியே தனியாக டியூஷன் படிக்கும்போது அந்த ஆசிரியர் ஒரு பாணியில் சொல்லித் தருவார். வீட்டில் படித்த பெற்றோர் ஒரு பாணியில் படிக்கச் சொல்வர். இப்படியே ஏகப்பட்ட பாணிகளை தலையில் ஏற்றிக் கொள்ளும் பிள்ளைகள், முடிவில் தங்கள் பாணியில் பொதுத்தேர்வை எழுதி விடுகின்றனர். இதுவே மதிப்பெண் சரிவதற்கு காரணமாகிறது.இதுபோக, மொபைல் போன், டிவி, சினிமா போன்றவை மாணவர்களின் மனதை வேறு வழிக்கு திருப்பி விடுகின்றன. நகர மாணவர்களுக்கு ஏற்படும் இன்னொரு முக்கிய பிரச்னை, பெற்றோர் இருவரும் வேலைக்கு செல்வது. இதனால் பிள்ளைகள் படிப்பு மீது முழு கவனம் செலுத்த முடியாமல் போகிறது. இக்காரணங்கள் எல்லாம் ஒன்று சேர்ந்து பெரிய நகரங்களில் படிக்கும் மாணவர்களின் எதிர்காலத்தை கேள்விக்குறியாக்குகின்றன.