டெட் தேர்ச்சி மதிப்பெண் 5 சதவீதம் குறைப்பு

சென்னை: ஆசிரியர் தகுதித் தேர்வில், இட ஒதுக்கீட்டு பிரிவினருக்கான தேர்ச்சி மதிப்பெண்ணில், 5 சதவீதத்தை குறைத்து, அரசாணை வெளியிடப்பட்டுள்ளது.கட்டாய கல்வி உரிமை சட்டத்தின்படி, இடைநிலை மற்றும் பட்டதாரி ஆசிரியராக பணியாற்ற, 'டெட்' எனும் ஆசிரியர் தகுதித்தேர்வு கட்டாயம் என, உச்ச நீதிமன்றம் உத்தரவிட்டுள்ளது.இந்த தேர்வு, 150 மதிப்பெண்களுக்கு நடத்தப்படுகிறது. அதில் தேர்ச்சி பெற பொதுப்​பிரிவினர் 60; மற்ற பிரிவினர், 55 சதவீத மதிப்பெண் எடுக்க வேண்டும்.இந்நிலையில், மற்ற மாநிலங்களை போல், தமிழகத்திலும், தேர்ச்சி சதவீத மதிப்பெண்ணில், 5 சதவீதத்தை குறைக்க வேண்டும் என, ஆசிரியர் சங்கத்தினர் வலியுறுத்தினர். இதை ஏற்ற பள்ளிக் கல்வி துறை, தேர்ச்சி மதிப்பெண்ணில் 5 சதவீதத்தை குறைத்து, அரசாணை வெளியிட்டுள்ளது.அதன்படி, இனி, பிற்படுத்தப்பட்டோர் மற்றும் மிகவும் பிற்படுத்தப்பட்டோர் பிரிவினருக்கு, 50 சதவீதமும், ஆதிதிராவிடர், பழங்குடியினர் பிரிவினருக்கு 40 சதவீதமும் தேர்ச்சி மதிப்பெண்ணாக நிர்ணயிக்கப்பட்டுள்ளது. இதனால், தமிழக அரசு பள்ளிகளில் பணியாற்றும் ஆசிரியர்களில் பலரது பணிக்கு உத்தரவாதம் ஏற்படும்.