உள்ளூர் செய்திகள்

/ செய்திகள் / ப்ரீமியம் /  தமிழகத்தில் 3 ரயில்வே திட்டங்கள்: சுற்றுலாத்துறை வளர்ச்சிக்கு வாய்ப்பு

 தமிழகத்தில் 3 ரயில்வே திட்டங்கள்: சுற்றுலாத்துறை வளர்ச்சிக்கு வாய்ப்பு

புதுடில்லி: தமிழகம் உள்ளிட்ட தென் மாநிலங்களில், 10,021 கோடி ரூபாய் மதிப்பிலான ஐந்து ரயில்வே திட்டங்களுக்கு, பிரதமர் நரேந்திர மோடி தலைமையிலான பொருளாதார விவகாரங்களுக்கான அமைச்சரவை குழு ஒப்புதல் அளித்துள்ளது. ரயில்வே துறையின் உள்கட்டமைப்பை மேம்படுத்தும் நோக்கில், 'பி.எம்., கதி சக்தி' திட்டத்தின் கீழ் பல்வேறு முக்கிய வழித்தடங்களில் கூடுதல் ரயில் பாதைகளை அமைக்க மத்திய அரசு திட்டமிட்டுள்ளது. இதன்படி, தமிழகம், ஆந்திரா, கர்நாடகா மற்றும் தெலங்கானா ஆகிய நான்கு மாநிலங்களில், மொத்தம் 540 கி.மீ., துாரத்துக்கு 10,021 கோடி ரூபாய் செலவில் ஐந்து திட்டங்களுக்கு ஒப்புதல் அளிக்கப்பட்டுள்ளது. https://static.vidgyor.com/player/vod/html/indexv2.html?videoId=al5sv1tr&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0இந்த திட்டங்களின் வாயிலாக, நிலக்கரி, சிமென்ட், இரும்பு, உணவு தானியங்கள் மற்றும் வாகனம் உள்ளிட்ட சரக்குகளை எடுத்து செல்வது எளிதாகும். ஆண்டுக்கு 4.70 டன் கூடுதல் சரக்கு கையாளப்படும். மேலும், பயண நேரம் கணிசமாக குறைவதோடு, கிட்டத்தட்ட 2,121 கிராமங்களை சேர்ந்த 52 லட்சம் மக்கள் இதன் வாயிலாக நேரடியாக பயனடைவர் என அரசு தெரிவித்துள்ளது.

ஐந்து திட்டங்கள்

அரக்கோணம் - ரேணிகுண்டா (3வது மற்றும் 4வது பாதை): 77 கி.மீ., துாரத்துக்கு கூடுதல் பாதைகள் அமைக்கப்பட உள்ளன. இது திருப்பதி உள்ளிட்ட முக்கிய ஆன்மிக தலங்களுக்கான பயணத்தை எளிதாக்கும் ஓசூர் - ஓமலூர் (இரட்டை ரயில் பாதை): 147 கி.மீ., துாரத்துக்கு இந்த பாதை அமைக்கப்பட உள்ளது. இது ஒகேனக்கல், மேட்டூர் அணை உள்ளிட்ட சுற்றுலா தலங்களுக்கும், ஓசூர் தொழில் நிறுவனங்களுக்கும் பயனுள்ளதாக இருக்கும் சேலம் - கரூர் - திண்டுக்கல் (இரட்டை ரயில் பாதை): 159 கி.மீ., துாரத்துக்கு அமைய உள்ள இந்த வழித்தடம், நாமக்கல், கொடைக்கானல் உள்ளிட்ட பகுதிகளுக்கான போக்குவரத்தை மேம்படுத்தும் வைட்பீல்டு - பங்காருபேட்டை (கர்நாடகா): 47 கி.மீ., தொலைவுக்கு கூடுதல் பாதைகள் அமைக்கப்பட உள்ளன. கோலார் தங்க வயல் உள்ளிட்ட பகுதிகளுக்கு இது பயனுள்ளதாக அமையும் செகந்திராபாத் - காசிப்பேட்டை (தெலுங்கானா): 110 கி.மீ., தொலைவுக்கு புதிய பாதைகள் அமைக்கப்படும்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 11 )

Barakat Ali
செப் 10, 2026 21:49

இதுவரை தேர்வான தமிழக எம்பிக்கள் மக்களவை சென்று என்னதான் செய்தார்கள் ??


Vijay D Ratnam
செப் 10, 2026 20:56

தஞ்சை மாவட்ட மக்கள் எவ்ளோ இளிச்சவாயர்கள் என்று பாருங்கள். அரியலூரில் இருந்து திருவையாறு, தஞ்சாவூர், ஒரத்தநாடு வழியாக பட்டுக்கோட்டைக்கு ரயில் பாதை அமைத்து ரயிலு உடப்போறாய்ங்களாம் என்று 1942 ஆம் ஆண்டு பிரிட்டிஷ் ஆட்சி காலத்தில் எங்க முப்பாட்டன் எங்க தாத்தாவிடம் சொன்னாராம். 1965 ஆம் ஆண்டு எங்க தாத்தா எங்க அப்பாவிடம் சொன்னாராம். 1990 ஆம் ஆண்டு எங்கப்பா என்னிடம் சொன்னார். 2016 ஆம் ஆண்டு நான் என் மகனிடம், டேய் மடப்பய மவனே அரியலூரில் இருந்து தஞ்சாவூர் வழியாக பட்டுக்கோட்டைக்கு ரயிலு உடப்போறாய்ங்கடான்னு சொன்னேன். நம்பிட்டான். என் இனம் ஆச்சே. இன்னொரு பத்து வருடங்களில் நிச்சயமாக என் மகன் என் பேரனிடம் சொல்வான் என்று அசைக்க முடியாத நம்பிக்கை எனக்கு உள்ளது. ஓவ்வொரு தேர்தலிலும் வார்டு கவுன்சிலர் தொடங்கி மத்திய மந்திரி வரை கட்சி பாகுபாடின்றி கொஞ்சம் கூட வாய் கூசாமல் தில்லா ரயிலு உடுவோம்னு சொல்லி ஒட்டு கேட்பானுங்க. தமிழ்நாட்டு கடற்கரை பகுதியின் மையத்தில் காரைக்காலில் சரக்கு கப்பல் துறைமுகம் வைத்திருக்கும் அதானி ஐயா, நீங்கதான் மனசு வைக்கோணும். நீங்க ஒரு வாட்டி முடிவு பண்ணிட்டா பொறவு எவனாலும் தடுக்க முடியாது ஐயா.


kulanthai kannan
செப் 10, 2026 20:14

சேலம் கரூர் திண்டுக்கல் ஒற்றை ரயில் பாதையாக திறக்கப்பட்டே 15 ஆண்டுகள் தான் ஆகின்றன. போடும் போதே இரட்டை பாதையாக போட்டிருக்கலாமே. மீண்டும் இரு மருங்கிலும் வாழும் மக்களுக்கு அவஸ்தை.


Manyam
செப் 10, 2026 15:20

நன்று இது போல் காவிரி ஆற்றின் குறுக்கே கட்டப்பட்டுள்ள புதிய கதவணைகளை திறக்க மத்திய அரசு வழி வகை செய்ய வேண்டும்.


desa pakthan
செப் 10, 2026 12:31

காரைக்குடி மதுரை ரயில் பாதை பலமுறை சர்வே செய்யப்பட்டு இன்றுவரை கனவாகவே உள்ளது . மதுரையிலிருந்து பிள்ளையார்பட்டி குன்றக்குடி ஆன்மிக தலங்கள் சுற்றுலா மேம்படும்


ஆரூர் ரங்
செப் 10, 2026 10:35

சரக்குப் போக்குவரத்துதான் லாபம் ஈட்டித் தரும். அதற்கு சாதகமாக உள்ள பாதைகளை முன்னுரிமை அளித்து உருவாக்குங்கள்.( பயணிகள் ரயில் நஷ்டம்தான்). வேலைவாய்ப்பு பெருகும். தமிழகத்தில் சாலை வசதிகள் நன்றாக இருப்பதால் பயணிகளுக்கு அது போதும்.


Gokul Krishnan
செப் 10, 2026 16:56

அப்போது பிஜேபி ஆளும் உத்தர பிரதேசம் பீகாரில் சாலை வசதிகள் நன்றாக இல்லை அதனால் அங்கு நிறைய ரயில் வசதிகள் வேண்டும் . எப்படியும் டிக்கெட் எடுத்து பயணிப்பது அங்கு குறைவு


krish
செப் 10, 2026 22:18

மட சாம்பிராணி கோகுலாவிற்கு உபி பீகார் பற்றி சொல்லாமல் கருத்து போட தெரியாது...கேரள நிலச்சரிவுக்கு கூட


krish
செப் 10, 2026 22:19

கோகுல நீ டிக்கெட் எடுத்து போவியா..இல்லை without


சந்துரு
செப் 10, 2026 08:48

ராமேஸ்வரம், மதுரை, தஞ்சாவூர், கும்பகோணம் நகரங்களில் ஆன்மீக சுற்றுலா பெருக தஞ்சாவூர் to மதுரை வழி. புதுக்கோட்டை, திருப்பத்தூர் ரயில்பாதை சர்வே நடத்த திட்டமிட்டும் ஆறு மாவட்ட மக்களின் கனவான இத்திட்டம் வெறும் கனவாகவே இது வரை இருக்கிறது.


baala
செப் 10, 2026 10:06

அதை போல தஞ்சாவூர் டு பட்டுக்கோட்டை. கடந்த 50 வருடமாக எனக்கு தெரிந்து பேசப்படுகிறது. அதற்கு முன்பு எத்தனை வருடமோ தெரியாது ஆனால் செயல்பாடுகள் தான் இல்லை.