டில்லி உஷ்ஷ்ஷ்: மாறும் உடை கலாசாரம்!

புதுடில்லி: தமிழக அரசியல்வாதிகள் வெள்ளை வேட்டி - சட்டையும், வட மாநில அரசியல்வாதிகள் வெள்ளை குர்தாவும் அணிவது தான் வழக்கம். தற்போது, எல்லாமே மாறி வருகிறது. கருணாநிதி காலம் வரை, தி.மு.க.,வில் தொடர்ந்த வேட்டி - சட்டை கலாசாரம் மெதுவாக மாறத் துவங்கி, தற்போது முதல்வரும், துணை முதல்வரும், பேன்ட் - சட்டை அணிந்து பொது நிகழ்ச்சிகளில் பங்கேற்கின்றனர்.காங்கிரசிலும் மாற்றம் துவங்கி விட்டது. காங்கிரசார் அணியும் பாரம்பரிய உடையை ராகுல் மாற்றிவிட்டார். டி - ஷர்ட் அணிந்து தான், பார்லிமென்டுக்கே வருகிறார். இதை பா.ஜ., கிண்டல் செய்தாலும், அதுகுறித்து அவர் கவலைப்படவில்லை.https://static.vidgyor.com/player/vod/html/indexv2.html?videoId=r5sontql&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0வெள்ளை டி ஷர்ட் அணிய வேண்டும் என, கட்சியினருக்கும் உத்தரவிட்டு உள்ளார். இதற்கு, 'வெள்ளை புரட்சி' என, பெயரும் வைத்துவிட்டார். 'பார்லிமென்டின் பட்ஜெட் கூட்டத்தொடரில் காங்., - எம்.பி.,க்கள் அனைவரும் வெள்ளை டி ஷர்ட்டில் தான் வர வேண்டும்' என சொல்லி விட்டாராம் ராகுல்.காங்கிரஸ் என்றாலே காதி உடை, வெள்ளை குல்லா என, காந்தி காலத்திலிருந்து இருந்து வந்தது. இந்த பாரம்பரியத்திற்கு, 'குட்பை' சொல்லி விட்டார் ராகுல்.