உள்ளூர் செய்திகள்

/ செய்திகள் / ப்ரீமியம் / கிரானைட் வீரமணி மீதான குற்றப்பத்திரிகையில் ஐபிஎஸ் அதிகாரிகளின் பெயர்

கிரானைட் வீரமணி மீதான குற்றப்பத்திரிகையில் ஐபிஎஸ் அதிகாரிகளின் பெயர்

சென்னை: 'கிரானைட்' வீரமணி, 85, அவரது தோழி சாந்தி, 61, உள்ளிட்ட எட்டு பேர் மீதான குற்றங்கள் குறித்து போலீசார் தயாரித்துள்ள குற்றப்பத்திரிகையில், ஐ.பி.எஸ்., அதிகாரிகளின் பெயர்கள் இடம் பெற்றுள்ளதாக, தகவல் வெளியாகி உள்ளது.சிறுமியரை பாலியல் வன்முறை செய்ததாக, 'கிரானைட்' வீரமணி என்பவர், சென்னை மத்திய குற்றப்பிரிவு போலீசாரால் கைது செய்யப்பட்டு, புழல் சிறையில் அடைக்கப்பட்டுள்ளார். அவருக்கு உடந்தையாக இருந்த, அவரது தோழி சாந்தி, 61 உட்பட ஏழு பேர் கைது செய்யப்பட்டு உள்ளனர். வீரமணியால், இதுவரை, 12 சிறுமியர் பாதிக்கப்பட்டது தெரிய வந்துள்ளது.https://static.vidgyor.com/player/vod/html/indexv2.html?videoId=20wq0oxn&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0மேலும், வீரமணியை மிரட்டி, ஒரு கும்பல் பல கோடி ரூபாய் வசூலித்து உள்ளது. இது தொடர்பாக, காங்கிரஸ் கட்சியை சேர்ந்த ரஞ்சன்குமார், அரசி யல் கட்சி தலைவர் ஜான் பாண்டியன் ஆகியோரிடம் விசாரணை நடந்துள்ளது.வீரமணியை சட்ட நடவடிக்கையில் இருந்து தப்பிக்க வைக்க, போலீசார் சிலர் முயற்சிகள் மேற்கொண்ட தகவலும் வெளியாகி உள்ளது. அவர் மீது, 'போக்சோ' வழக்குப்பதிவு செய்து, 'குற்றத்தை நிரூபிக்க ஆதாரங்கள் கிடைக்கவில்லை' என, விசாரணையை முடித்து வைத்து, போலீஸ் அதிகாரிகள், நீதிமன்றத்திற்கு அறிக்கை அளித்துள்ளனர்.இதற்காக, மிகப்பெரிய அளவில் பணம் கைமாறி உள்ளது. வீரமணியை சிறையில் அடைக்காமல் பார்த்து கொள்கிறேன் என, தொழில் அதிபர் பிரகாஷ் என்பவர், 100 கோடி ரூபாய்க்கு மேல் பெற்று, பலருக்கு பகிர்ந்து கொடுத்துள்ளார். தந்தையை காப்பாற்ற, வீரமணியின் மகள் அர்ச்சனா முயற்சித்தது குறித்தும், எஸ்.ஐ.டி., எனும் சிறப்பு புலனாய்வு பிரிவு அதிகாரிகள் விசாரித்துள்ளனர். இவ்வழக்கில் கைதான நபர்கள் மற்றும் பாதிக்கப்பட்ட சிறுமியரின் வாக்குமூலம், குற்றம் தொடர்பான டிஜிட்டல் ஆவணங்கள், போலீஸ் அதிகாரிகளுக்கு பணம் மற்றும் தங்கக் கட்டிகள் கொடுக்கப்பட்டது குறித்த ஆவணங்கள் ஆகியவற்றுடன், 1,400 பக்கங்களுக்கு மேல், குற்றப்பத்திரிகை தயாரிக்கப்பட்டுள்ளது.அதில், ஐ.பி.எஸ்., அதிகாரிகள், டி.எஸ்.பி.,க்கள் மற்றும் இன்ஸ்பெக்டர்களின் பெயர்கள் இடம் பெற்றுள்ளன. இந்த குற்றப்பத்திரிகை நீதிமன்றத்தில் தாக்கல் செய்யப்பட்டால், அவர்களுக்கு சிக்கல் நேரிடும். இதனால், தங்களின் பெயர்களை எடுக்க வேண்டும் என, மூத்த ஐ.பி.எஸ்., அதிகாரி வாயிலாக, முதல்வர் விஜய்க்கு, அவர்கள் கோரிக்கை விடுத்துஉள்ளனர்.இது தொடர்பாக, இன்று அல்லது நாளை, முதல்வர் நடத்தும் ஆய்வு கூட்டத்தில், முடிவு எடுக்கப்பட உள்ளதாக, அரசு வட்டாரங்கள் தெரிவித்தன.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 11 )

கன்னையா குமார் கான் க்ராஸ்
நவ 06, 2026 19:23

கண்ணையா அவனின் மகன் மீது எவரும் கை வைக்க முடியாது. அகில உலக தொழில் சங்கம் சுனாமி போல திரண்டு வந்து போராட்டம் செய்வார்கள் போல. அதான் இவ்ளோ நாள்


PVSR
நவ 06, 2026 19:20

கிரானைட் வீரமணி என்று செய்தி போட்டதற்கு நன்றி.


PVSR
நவ 06, 2026 19:19

வீரமணி வீரமணி என்று செய்தி போடும்போதெல்லாம் நம்ம கடவுள் மறுப்பு வீரமணி டென்ஷன் ஆகிறாராம் நம்மள பத்தி தான் செய்தியா என்று. கிரானைட் வீரமணி என்று போடுங்கப்பா.


Santhakumar Srinivasalu
நவ 06, 2026 18:57

வீரமனி வழக்கில் அவர்களூம் உடந்தை தானே? அவர்களை விடுவித்தால் காவல் துறையின் மேல் ஜனங்களுக்கு உள்ள மரியாதை கெடும் விஜய்? எந்த சலுகையும் காட்ட கூடாது!


PVSR
நவ 06, 2026 07:53

சம்பந்தப்பட்ட காவல்துறை அதிகாரிகளை ஏன் இன்னும் கைது செய்யவில்லை. வீரமணி வீட்டு காவலாளியை கைது செய்கிறார்கள் காரணம் அவர் போலீசுக்கு தகவல் சொல்லவில்லையா வீரமணியின் லீலைகள் பற்றி. ஏமாந்தவன் பாவம் காவலாளி அவன் என்ன செய்வார் 15000 சம்பளத்துக்கு வேலை செய்கிறார் அவரிடம் வேலை செய்து கொண்டு போலீசுக்கு தகவல் கொடுத்தால் அவர்மீதே பொய் வழக்கு போட்டு சித்திரவதை செய்வார்கள். கொஞ்சம் கூட தர்மம் என்பது இல்லையா. ஏமாந்தவன் அப்பாவி காவலாளியா. இந்த விஷயத்தில் லஞ்சம் வாங்கிய சம்பந்தப்பட்ட போலீஸ் அதிகாரி 20 கோடிகளுக்கு தங்கம் வாங்கினார் அவரை விட்டு விட்டார்கள்.


கணேஷ் ஐஸ்
நவ 06, 2026 12:44

வீரமணியை அரசியல்வாதிகளும் அரசு அதிகாரிகளும் அவருக்கு வேண்பியவர்களும் மாற்றி மாற்றி கேட்டுப்பார் மெயில் செய்து கட்டிக்காக்கும் டணம் கலந்திருக்கிறது.


rama adhavan
நவ 06, 2026 07:34

இந்த வழக்கில் அனைத்துக் குற்றவாளிகளின் பேரிலும் நடவடிக்கை எடுக்கப்படும் என முதல்வரே சொல்லி இருக்கிறார். எனவே குற்றப்பத்திரிக்கை பாரபட்சம் இல்லாததாக இருப்பது மிக முக்கியம்.


பிரேம்ஜி
நவ 06, 2026 07:29

அதிகாரிகள் காப்பாற்றப் படுவார்கள்! மக்கள் ஏமாற்றப் படுவார்கள்! இதுதான் இந்தியாவில் ஜனநாயகம்!


ராமகிருஷ்ணன் பரமக்குடி
நவ 06, 2026 07:18

பரம்பரை பரம்பரையாக திமுககாரனாக இருக்கும் இந்த வீரமணியை பற்றி வரும் செய்திகளில் எல்லாம் திமுகவை சேர்ந்தவர் என்று சொன்னால் தான் திமுகவுக்கு பெருமை. கவுரவம்


Dr. Suriya
நவ 06, 2026 06:22

அவர்களின் பதவியை பறித்து சிறையில் அடைத்து கழித்திங்க வைக்க வேண்டும்... அந்த துறையில் உள்ளவர்களை மக்கள் ஏன் மாமா என்று அழைக்கிறார்கள் என்று இப்போதும் யார் அந்த சார் விவகாரத்திலும் தெரிகிறது...


Indhuindian
நவ 06, 2026 06:17

தயவு செஞ்சு அந்த ஆளூடைய போட்டோவை போடாதீங்க பார்க்கவே அருவருப்பா இருக்கு. வேணும்னா கோட்டு சூட்டோட சின்ன வயசு போட்டவை போடுங்க


சமீபத்திய செய்தி