காலாப்பட்டில் நாளை குறை தீர்வு முகாம்

புதுச்சேரி, : காலாப்பட்டு மின்துறை அலுவலகத்தில் நுகர்வோர் குறை தீர்ப்பு முகாம் நாளை நடக்கிறது.மின்துறை கிராமம் (வடக்கு) செயற்பொறியாளர் ஸ்ரீதர் வெளியிட்டுள்ள செய்திக்குறிப்பு:புதுச்சேரி மின்துறை மின் நுகர்வோர் குறை தீர்ப்பு முகாம் நாளை 5ம் தேதி காலை 10:30 மணி முதல் மதியம் 12:30 மணி வரை காலாப்பட்டு இயக்குதல் மற்றும் பராமரித்தல் அலுவலகத்தில் நடக்கிறது. மின் விநியோகம் பெறும் காலாப்பட்டு இளநிலை பொறியாளர் அலுவலகத்திற்கு உட்பட்ட மின் நுகர்வோர், இக்குறைதீர்ப்பு கூட்டத்தில் கலந்து கொண்டு, மின் பட்டியல் குறைந்த மின் அழுத்தம், மின் மானிகள் குறைபாடு, தெரு விளக்கு மற்றும் மின் நுகர்வு தொடர்புடைய குறைகள் மட்டும் ஏதேனும் இருப்பின் நேரில் வந்து தெரிவித்து குறைகளை நிவர்த்தி செய்து கொள்ளவும். இவ்வாறு அதில் கூறப்பட்டுள்ளது.