என்.ஆர்.காங்., ஆண்டு விழா: நலத்திட்ட உதவி வழங்கல்
புதுச்சேரி: என்.ஆர்.காங்., 15ம் ஆண்டு துவக்க விழாவை முன்னிட்டு, அமைச்சர் லட்சுமிநாராயணன் நலத்திட்ட உதவிகள் வழங்கினார். புதுச்சேரி மாநிலத்தில், அகில இந்திய என்.ஆர்.காங்., 15ம் ஆண்டு துவக்க விழா நேற்று கொண்டாடப்பட்டது. அதிதி ஹோட்டல் சிக்னல் அருகே நடந்த நிகழ்ச்சிக்கு, பொதுப்பணித் துறை அமைச்சர் லட்சுமி நாராயணன் தலைமை தாங்கி, கட்சி கொடியேற்றி வைத்து, பொதுமக்களுக்கு நலத்திட்ட உதவிகள் வழங்கினார்.இதில், என்.ஆர்., காங்., நிர்வாகிகள், மகளிர் அணியினர் மற்றும் ராஜ்பவன் தொகுதி பொதுமக்கள் உட்பட பலர் கலந்து கொண்டனர்.