தினமலர் சுழற்கோப்பை வென்ற மாணவிக்கு பாராட்டு விழா

வில்லியனுார்: மண்டல அறிவியல் கண்காட்சியில் முதலிடம் பிடித்து 'தினமலர்' சுழற்கோப்பையை வென்ற கோர்க்காடு அரசு மேல்நிலைப் பள்ளி மாணவிக்கு பாராட்டு விழா நடந்தது. பள்ளி கல்வி இயக்கம் சார்பில் மண்டல அளவிலான அறிவியல் கண்காட்சி கதிர்காமம் அரசு பெண்கள் மேல்நிலைப் பள்ளியில் நடந்தது. அதில், பங்கேற்ற கோர்க்காடு அரசு மேல்நிலைப் பள்ளி மாணவி வர்ஷனியின் படைப்பு நடுநிலைப் பள்ளி பிரிவில் முதலிடம் பிடித்து, தினமலர் சுழற்கோப்பையை வென்றார். கோப்பை வென்ற மாணவி வர்ஷினி மற்றும் அவருக்கு வழிகாட்டிய ஆசிரியர்களுக்கு பாராட்டு விழா பள்ளி வளாகத்தில் நடந்தது. விழாவில் மாணவி வர்ஷினி மற்றும் வழிகாட்டிய ஆசிரியர்களை பள்ளி துணை முதல்வர் முரளி பாராட்டி கவுரவித்தார்.