தீயணைப்பாளர் எழுத்து தேர்வு; இன்று முதல் ஹால்டிக்கெட்

புதுச்சேரி; தீயணைப்பாளர், தீயணைப்பு வாகன ஓட்டுநர் பணிக்கு இன்று முதல் ஹால்டிக்கெட் பதிவிறக்கம் செய்து கொள்ளலாம்.இது குறித்து நிர்வாக சீர்த்திருத்த துறை சார்பு செயலர் ஜெய்சங்கர் வெளியிட்டுள்ள செய்தி குறிப்பு:புதுச்சேரி தீயணைப்பு துறையில் தீயணைப்பாளர் மற்றும் தீயணைப்பு வாகன ஓட்டுநர் நிலை-3 பணியிடத்திற்கான தேர்வு வரும் 9ம் தேதி புதுச்சேரியில் 5 தேர்வு மையங்களில் நடக்க உள்ளது. இத்தேர்விற்கான ஹால்டிக்கெட்டினை htpps://recuitment.py.gov.inஎன்ற இணையதளத்தில் இன்று 31ம் தேதி காலை 10:00 மணி முதல் பதிவிறக்கம் செய்து கொள்ளலாம்.இது தொடர்பாக ஏதேனும் உதவி தேவைப்பட்டால் தேர்வர்கள் அலுவலக நாட்களில் காலை 10:00 மணி முதல் மாலை 5:00 மணி வரை, 0413-2233338 என்ற தொலைபேசி எண்களில் தொடர்பு கொள்ளலாம்.இவ்வாறு செய்தி குறிப்பில் கூறப்பட்டுள்ளது.