கம்பன் அரசு பள்ளியில் இலவச சீருடை வழங்கல்
நெட்டப்பாக்கம்: நெட்டப்பாக்கம் கம்பன் அரசு மேல்நிலைப் பள்ளி யில் மாணவர்களுக்கு உணவு சாப்பிட தட்டு, டம்ளர், டைரி, சீருடை வழங்கும் நிகழ்ச்சி நடந்தது. பள்ளி துணை முதல்வர் சுப்ரமணியன் தலைமை தாங்கினார். ஆசிரியர் சந்தான கிருஷ்ணன் வரவேற்றார். தலைமையாசிரியர் செந்தில்குமார் முன்னிலை வகித்தார். சிறப்பு அழைப்பளராக துணை சபாநாயகர் ராஜவேலு பங்கேற்று, மாணவர்களுக்கு இலவச உணவு சாப்பிட தட்டு, டம்ளர் மற்றும் சீருடை, டைரி உள்ளிட்டவைகளை வழங்கினார். நிகழ்ச்சியில் ஆசிரியர்கள் குருநாதன், சக்திவேல், கலியமூர்த்தி, வரதராஜன், எழில்வேந்தன் உள்ளிட்ட பலர் கலந்து கொண்டனர். நுாலகர் கலியமூர்த்தி நன்றி கூறினார்.