26ல் கிராம சபை கூட்டம்

நெட்டப்பாக்கம்: குடியரசு தினத்தை முன்னிட்டு, நெட்டப்பாக்கம்கொம்யூன் பஞ்சாயத்து மூலம் 11 கிராம பஞ்சாயத்துகளில் கிராம சபை கூட்டம் வரும் 26ம் தேதி நடக்கிறது.கொம்யூன் பஞ்சாயத்து ஆணையர் ரமேஷ்செய்திக்குறிப்பு:குடியரசு தினத்தை முன்னிட்டு வரும் 26ம் தேதி காலை 10:00 மணிக்கு கிராம சபை கூட்டம் நடக்கிறது. இதில், நெட்டப்பாக்கம்- சிவன் கோவில் திடல், கல்மண்டபம் சமுதாய நலக்கூடம், சூரமங்கலம் கலையரங்கம், ஏரிப்பாக்கம்- நத்தமேடு அரசு தொடக்கப் பள்ளி, கரிக்கலாம்பாக்கம் ராஜிவ்காந்தி திருமண மண்டபம்,மடுகரை கிழக்கு சிவன் கோவில் திடல்,மடுகரை மேற்கு அரசு பெண்கள் மேல்நிலைப் பள்ளி,ஏம்பலம் அரசு மேல்நிலைப் பள்ளி,செம்பியப்பாளையம் கோவில் திடல், கரியமாணிக்கம் அரசு நடுநிலைப் பள்ளி, கோர்க்காடு அரசு தொடக்கப்பள்ளி ஆகிய பகுதிகளில் நடக்கிறது. கூட்டத்தில், பொதுமக்கள் கலந்து கொண்டு, தங்களுக்கு தேவையான அடிப்படை தேவைகளை எடுத்துக்கூறுமாறு கேட்டுக் கொள்ளப்படுகிறது. இவ்வாறு அதில், கூறப்பட்டுள்ளது.