இளநிலை ஆய்வாளர் பணி எழுத்து தேர்வு அறிவிப்பு

ஹால்டிக்கெட் பதிவிறக்கம் செய்யலாம் புதுச்சேரி; கூட்டுறவு துறை இளநிலை ஆய்வாளர் பணிக்கான எழுத்து தேர்வு வரும் 15ம் தேதி நடக்கிறது.பணியாளர் மற்றும் நிர்வாக சீர்த்திருத்தத் துறை தேர்வு பிரிவு சார்பு செயலர் ஜெய்சங்கர் வெளியிட்டுள்ள செய்திக்குறிப்பு; புதுச்சேரி கூட்டுறவு துறையில் இளநிலை ஆய்வாளர் பணியிடங்களை நிரப்புவதற்கான எழுத்து தேர்வு வரும் 15ம் தேதி புதுச்சேரியில் 15 தேர்வு மையங்களிலும், காரைக்காலில் 2 தேர்வு மையங்களிலும், மாகி மற்றும் ஏனாமில் தலா 1 தேர்வு மையத்தில் நடத்த ஏற்பாடு செய்யப்பட்டுள்ளது.இத்தேர்வுக்கான அனுமதி சீட்டை தேர்வர்கள் https://recruitment.py.gov.inஎன்ற இணையதளத்தில் இருந்து இன்று 5ம் தேதி காலை 10:00 மணி முதல் பதிவிறக்கம் செய்து கொள்ளலாம். இது தொடர்பாக ஏதேனும் விபரம் அல்லது உதவி தேவைப்பட்டால் தேர்வர்கள் அனைத்து வேலை நாட்களிலும் காலை 10:00 மணி முதல் மாலை 5:00 மணி வரை 0413-2233338 என்ற தொலைபேசி எண்ணில் தொடர்பு கொள்ளலாம். இவ்வாறு அதில் கூறப்பட்டுள்ளது.