சோரப்பட்டு கோவில்களில் மகா கும்பாபிேஷகம் 

திருக்கனுார்: திருக்கனுார் அடுத்த சோரப்பட்டு கிராமத்தில் மகா கணபதி, மாரியம்மன், திரவுபதியம்மன், பச்சை வாழியம்மன், பிடாரி அம்மன், பொறையாத்தம்மன், ஐயனாரப்பன் கோவில் அமைந்துள்ளது. இக்கோவில்கள் புனரமைக்கப்பட்டு, மகா கும்பாபிேஷகம் நேற்று நடந்தது. இதையொட்டி, கடந்த 13ம் தேதி காலை 9:00 மணிக்கு மகாகணபதி ஹோமம், மகாசுதர்சன ஹோமம், மகாலட்சுமி ஹோமம், பூர்ணாஹூதி தீபாராதனை நடந்தது. மாலை 5:00 மணிக்கு வாஸ்து சாந்தி, இரவு 7:00 மணிக்கு அக்னி பிரதிஷ்டை, முதல் யாகசாலை பூஜை நடந்தது. முக்கிய நிகழ்வாக, நேற்று (15ம் தேதி) காலை 6:30 மணிக்கு நான்காம் கால யாகசாலை பூஜை, காலை 8:15 மணிக்கு விநாயகர் கோவில், 8:45 மணிக்கு பூரணி, பொற்கலை சமேத ஐயனாரப்பன், 9:15 மணிக்கு பிடாரி அம்மன், பொறையாத்தம்மன், 9:50 மணிக்கு திரவுபதியம்மன், மாரியம்மன், 10.15 மணிக்கு பச்சைவாழியம்மன் ஆகிய கோவில் கோபுரங்களில் புனித நீர் ஊற்றப்பட்டு, மகா கும்பாபிேஷகம் நடந்தது. இதில், சோரப்பட்டு மற்றும் அதனை சுற்றியுள்ள பல்வேறு கிராமங்களை சேர்ந்த திரளான பக்தர்கள், கலந்து கொண்டனர்.