மகளிர் மற்றும் மேம்பாட்டு துறை மூலம் நலத்திட்ட உதவிகள் வழங்கல்  

நெட்டப்பாக்கம் நெட்டப்பாக்கம் தொகுதியைச் சேர்ந்த பயனாளிகளுக்கு நலத்திட்ட உதவிகளை துணை சபாநாயகர் ராஜவேலு வழங்கினார்.புதுச்சேரி மகளிர் மற்றும் மேம்பாட்டு துறை மூலம், நெட்டப்பாக்கம் தொகுதியைச் சேர்ந்த வறுமை கோட்டிற்கு கீழ் வாழும் பிறப்படுத்தப்பட்ட மக்களுக்கு திருமண உதவித்தொகையாக ஒரு நபருக்கு ரூ. 25 ஆயிரம் வீதம், 19 பயனாளிகளுக்கு ரூ. 4 லட்சத்து 75 ஆயிரம், விதவை திருமகளுக்கு 2 பேருக்கு ரூ. 60 ஆயிரம் நிதியுதவிகள் வழங்கும் நிகழ்ச்சி கரியமாணிக்கம் எம்.எல்.ஏ., அலுவலகத்தில் நடந்தது.நிகழ்ச்சியில், துணை சபாநாயகர் ராஜவேலு கலந்து கொண்டு பயனாளிகளுக்கு நலத்திட்ட உதவிகளை வழங்கினார். நிகழ்ச்சியில் துறை அதிகாரிகள், நல ஆய்வாளர் உள்ளிட்ட பலர் கலந்து கொண்டனர்.