பரோலில் வெளியே வந்த ஆயுள் தண்டனை கைதி மாயம்

புதுச்சேரி : பரோலில் வெளியே வந்த ஆயுள் தண்டனைக் கைதி தலைமறைவானார். வினோபா நபர் மாரியம்மன் கோவில் தெருவைச் சேர்ந்தவர் அபிமன்யூ, 35. இவர் கடந்த 7 ஆண்டுகளுக்கு முன் இவரது மனைவியைக் கொலை செய்த வழக்கில் டி.நகர் போலீசார் கைது செய்து மத்திய சிறையில் அடைத்தனர். அவர் தற்போது ஆயுள் தண்டனை கைதியாக சிறையில் இருந்து வந்தார். இவர் கடந்த 9ம் தேதி முதல் 15ம் தேதி வரை 6 நாட்கள் பரோலில் வீட்டிற்கு வந்துள்ளார். கடந்த 15ம் தேதி அபிமன்யூ சிறைக்குச் செல்லாமல் எங்கோ தலைமறைவாகி விட்டார். தகவல் அறிந்த சிறைக் கண்காணிப்பாளர் ஜெயகாந்தன் காலாப்பட்டு போலீஸ் நிலையத்தில் புகார் அளித்தார். காலாப்பட்டு போலீசார் அபிமன்யூவைத் தேடி வருகின்றனர்.