புதுச்சேரி வாசவி அகாடமியின் வணிக கல்வி பயிற்சி துவக்கம்

புதுச்சேரி: புதுச்சேரி வாசவி அகாடமியின் வணிக கல்வி பயிற்சி துவக்க விழா நடந்தது. புதுச்சேரி வாசவி சி.பி.எஸ்.இ., பள்ளியில், போட்டி தேர்வுக்கான பயிற்சி மையம் வாசவி அகாடமி என்ற பெயரில் துவக்கப்பட்டது. கடந்த இரண்டு ஆண்டுகளாக மாணவர்களுக்கு நீட் மற்றும் ஜே.இ.இ., பயிற்சி அளித்து வருகிறது. இந்த வகுப்புகளை தொடர்ந்து, வாசவி அகாடமி வணிக கல்வி பயற்சி மற்றும் ஜே.கே.ஷா., கிளாசஸ் (வெராண்டா எண்டர்பிரைஸ் ) இணைந்து, பட்டய கணக்காளருக்கான (சார்டர்ட் அக்கவுண்ட்) அடிப்படை பயிற்சிக்கான துவக்க விழா நடந்தது. வணிக கல்வியை விரும்பும் மாணவர்களுக்கு சிறந்த பயிற்சி அளிக்கப்பட உள்ளது. விழாவில், பள்ளி முதல்வர் மாரிமுத்து வரவேற்றார். பள்ளி தலைவர் வேணுகோபால், அகாடமியின் சாதனைகளையும், தொழில் தொடர்பு நிகழ்ச்சிகளில் மாணவர்களின் வளர்ச்சியும், பங்களிப்பு குறித்து பேசினார். சீனிவாச அகாடமியின் பிரதிநிதியான எல்லப்பராஜ் தொழில் சார் பயிற்சிகளில் மாணவர்களுக்கு ஏற்படும் நன்மைகள் குறித்து பேசினார். நிகழ்ச்சியில், புதுச்சேரி பகுதி இந்திய தணிக்கை கணக்காளர் துறையின் முன்னாள் தலைவர் பிரபாகரன் உட்பட பலர் பங்கேற்றனர். பள்ளி துணை முதல்வர் செந்தில்ராஜ் நன்றி கூறினார்.