ஆயுத பூஜை வழிபாடு
புதுச்சேரி: சட்டசபையில் உள்ள முதல்வர் அலுவலகத்தில், முதல்வர் ரங்கசாமி ஆயுத பூஜை செய்து வழிபட்டார். முதல்வர் அலுவலகத்தில் நேற்று ஆயுத பூஜை கொண்டாடப்பட்டது. முதல்வர் ரங்கசாமி அலுவலகத்திற்கு காலை 11:00 மணிக்கு வந்தார். அறையில் வைக்கப்பட்டிருந்த பைல்களுக்கு பொட்டு வைத்து, பூஜை செய்தார். நிகழ்ச்சியில், சபாநாயகர் செல்வம், துணை சபாநாயகர் ராஜவேலு, பாஸ்கர் எம்.எல்.ஏ., கட்சி நிர்வாகிகள் உட்பட பலர் கலந்து கொண்டனர். தொடர்ந்து, அலுவலக ஊழியர்களுக்கு பிரசாதம் மற்றும் இனிப்புகள் வழங்கப்பட்டன.