பெண்கள் சாலை மறியல்

புதுச்சேரி: புதுச்சேரி புஸ்சி வீதி, சின்னக்கடை மணிக்கூண்டு அருகே மீன் மார்க்கெட் இயங்கி வருகிறது. இந்த மார்க்கெட் நுழைவு வாயிலில் உள்ள பாண்லே பூத் சீரமைக்கும் பணி தற்போது நடந்து வருகிறது. அதற்காக, மீன் மார்க்கெட் நுழைவு வாயிலில் வைத்து தற்காலிகமாக பாண்லே பொருட்கள் விற்பனை செய்யப்படுகிறது. இதனால் தங்களுடைய மீன் வியாபாரம் பாதிக்கப்படுவதாக கூறி மீன் விற்பனை செய்யும் பெண்கள் நேற்று திடீர் சாலை மறியலில் ஈடுபட்டனர். தகவலறிந்த ஒதியஞ்சாலை போலீசார், சம்பவ இடத்திற்கு விரைந்து மறியலில் ஈடுபட்டவர்களிடம் பேச்சுவார்த்தை நடத்தி கலைந்து போக செய்தனர். இதனால் புஸ்சி வீதியில் சிறிது நேரம் போக்குவரத்து பாதிக்கப்பட்டது.