புதிய கேப்டன் சுப்மன் கில் * ரோகித் சர்மா பதவி பறிப்பு

புதுடில்லி: ஒருநாள் போட்டிக்கான புதிய கேப்டனாக சுப்மன் கில் அறிவிக்கப்பட்டார். கேப்டன் பதவி மறுக்கப்பட்ட ரோகித் சர்மா, கோலி வாய்ப்பு பெற்றுள்ளனர்.ஆஸ்திரேலியா செல்லவுள்ள இந்திய அணி, 3 ஒருநாள், 5 'டி-20' போட்டி கொண்ட தொடரில் பங்கேற்க உள்ளது. முதல் ஒருநாள் போட்டி வரும் அக். 19ல் பெர்த்தில் நடக்கவுள்ளது. மீதமுள்ள போட்டிகள் அடிலெய்டு (அக். 23), சிட்னியில் (அக். 25) நடக்கவுள்ளன. 'டி-20' போட்டிகள் கான்பெரா (அக். 29), மெல்போர்ன் (அக். 31), ஹோபர்ட் (நவ. 2), கோல்டு கோஸ்ட் (நவ. 6), பிரிஸ்பேனில் (நவ. 8) நடக்கவுள்ளன.புதிய கேப்டன்இத்தொடருக்கான இந்திய அணி அறிவிக்கப்பட்டது. வரும் 2027 உலக கோப்பை தொடருக்கு தயாராகும் வகையில் 'சீனியர்' ரோகித் சர்மாவுக்குப் 38, பதில், இளம் துவக்க வீரர் சுப்மன் கில் 26, ஒருநாள் அணிக்கு கேப்டனாக நியமிக்கப்பட்டார். ஏற்கனவே டெஸ்ட் அணிக்கு தலைமை ஏற்கும் இவர், 'டி-20' அணி துணைக் கேப்டனாக உள்ளார். விரைவில் மூன்று வித அணிக்கும் கேப்டனாகலாம்.கோலி இடம்சாம்பியன்ஸ் டிராபி நாயகன் ஷ்ரேயஸ், துணைக் கேப்டனாக தேர்வானார். ரோகித், கோலி என இருவரும் 7 மாதங்களுக்கு பின் இந்திய அணியில் இடம் பெற்றனர். வேகப்பந்து வீச்சாளர் பும்ராவுக்கு ஒருநாள் தொடரில் மட்டும் ஓய்வு தரப்பட்டது. இளம் வீரர் ஜெய்ஸ்வால் அணியில் வாய்ப்பு பெற்றார். காயம் காரணமாக ஹர்திக் பாண்ட்யா எவ்வித அணியிலும் சேர்க்கப்படவில்லை.அணி விபரம்:சுப்மன் கில் (கேப்டன்), ஷ்ரேயஸ் (துணைக் கேப்டன்), ரோகித் சர்மா, கோலி, அக்சர் படேல், லோகேஷ் ராகுல், நிதிஷ் குமார், வாஷிங்டன் சுந்தர், குல்தீப் யாதவ், ஹர்ஷித் ராணா, முகமது சிராஜ், அர்ஷ்தீப் சிங், பிரசித் கிருஷ்ணா, துருவ் ஜுரெல், ஜெய்ஸ்வால்.ஹர்பஜன் அதிர்ச்சிஇந்திய அணி முன்னாள் சுழற்பந்து வீச்சாளர் ஹர்பஜன் சிங் கூறுகையில்,'' டெஸ்ட் அணி கேப்டன் சுப்மன் கில்லுக்கு கூடுதல் பொறுப்பு தரப்பட்டுள்ளது, அதேநேரம் ரோகித்துக்கு கேப்டன் பதவி கொடுக்காதது அதிர்ச்சியாக உள்ளது. 2027 உலக கோப்பை தொடருக்கு இன்னும் இரு ஆண்டு உள்ளது. சமீபத்தில் தான் ரோகித், சாம்பியன்ஸ் டிராபி வென்று தந்தார். ஆஸ்திரேலிய தொடருக்கு இவரை கேப்டனாக தேர்வு செய்திருக்கலாம்,'' என்றார்.'டி-20' அணியில் பும்ராஆஸ்திரேலிய அணிக்கு எதிரான 'டி-20' அணியில் பும்ரா இடம் பெற்றார்.அணி விபரம்:சூர்யகுமார் (கேப்டன்), சுப்மன் கில் (துணைக் கேப்டன்), அபிஷேக் சர்மா, திலக் வர்மா, நிதிஷ் குமார், ஷிவம் துபே, அக்சர் படேல், ஜிதேஷ் சர்மா, வருண் சக்ரவர்த்தி, பும்ரா, அர்ஷ்தீப் சிங், குல்தீப் யாதவ், ஹர்ஷித் ராணா, சஞ்சு சாம்சன், ரிங்கு சிங், வாஷிங்டன் சுந்தர்.