கேரளாவை வீழ்த்தியது சென்னை: ஐ.எஸ்.எல்., கால்பந்தில் அசத்தல்

சென்னை: ஐ.எஸ்.எல்., கால்பந்து லீக் போட்டியில் சென்னை அணி 1-0 என கேரளாவை வீழ்த்தியது.இந்தியன் சூப்பர் லீக் (ஐ.எஸ்.எல்.,) கால்பந்து 10வது சீசன் நடக்கிறது. சென்னையில் நடந்த லீக் போட்டியில் சென்னை, கேரளா அணிகள் மோதின. முதல் பாதி முடிவு கோல் எதுவுமின்றி சமநிலையில் இருந்தது. இரண்டாவது பாதியில் எழுச்சி கண்ட சென்னை அணிக்கு 60வது நிமிடத்தில் ஆகாஷ் சங்வான் ஒரு கோல் அடித்தார். இதற்கு கேரளா அணியினரால் பதிலடி கொடுக்க முடியவில்லை. ஆட்டநேர முடிவில் சென்னை அணி 1-0 என்ற கணக்கில் வெற்றி பெற்றது.இதுவரை விளையாடிய 14 போட்டியில், 4 வெற்றி, 3 'டிரா', 7 தோல்வி என 15 புள்ளிகளுடன் சென்னை அணி 8வது இடத்துக்கு முன்னேறியது. ஐந்தாவது தோல்வியை பெற்ற கேரளா அணி 26 புள்ளிகளுடன் 4வது இடத்தில் நீடிக்கிறது.