செஸ்: பிரக்ஞானந்தா டிரா

புக்காரெஸ்ட்: கிராண்ட் செஸ் தொடரின் 10வது சீசனின், இரண்டாவது தொடர் ருமேனியாவில் நடக்கிறது. இதன் ஆறாவது சுற்றில் இந்தியாவின் பிரக்ஞானந்தா, போலந்தின் ஜான் டுடா மோதினர். பிரக்ஞானந்தா கருப்பு நிற காய்களுடன் விளையாடினார். துவக்கத்தில் சற்று முந்திய பிரக்ஞானந்தா, 32வது நகர்த்தலில் 'டிரா' செய்தார். மற்றொரு போட்டியில் உலக சாம்பியன், இந்தியாவின் குகேஷ், பிரான்சின் அலிரேசாவை எதிர்கொண்டார். 69 நகர்த்தல் வரை நீடித்த இப்போட்டியில் குகேஷ் தோல்வியடைந்தார்.ஆறு சுற்று முடிவில் தலா 3.5 புள்ளியுடன் அமெரிக்காவின் பேபியானா காருணா, பிரான்சின் மேக்சிம் வாசியர், அலிரேசா, பிரக்ஞானந்தா 'டாப்-4' இடத்தில் உள்ளனர். கடைசி இடத்தில் (10) குகேஷ் (2.0) உள்ளார்.