செஸ்: பிரக்ஞானந்தா டிரா

செயின்ட் லுாயிஸ்: அமெரிக்காவில் சின்க்யுபீல்டு கோப்பை செஸ் தொடர் நடக்கிறது. இந்தியா சார்பில் உலக சாம்பியன் குகேஷ், பிரக்ஞானந்தா என இருவர் உட்பட மொத்தம் 10 பேர் பங்கேற்கின்றனர். இதன் நான்காவது சுற்று போட்டி நடந்தன. பிரக்ஞானந்தா, அமெரிக்காவின் சாம் செவியனை சந்தித்தார். கருப்பு நிற காய்களுடன் விளையாடினார் பிரக்ஞானந்தா. இருவரும் சமபலத்தில் விளையாட, 29 நகர்த்தலில் போட்டி 'டிரா' ஆனது.மற்றொரு போட்டியில் குகேஷ், பிரான்சின் மேக்சிம் வாசியரை எதிர்கொண்டார். வெள்ளை நிற காய்களுடன் விளையாடிய குகேஷ், 56 வது நகர்த்தலில் 'டிரா' செய்தார். அமெரிக்காவின் பேபியானோ, உஸ்பெகிஸ்தானின் நாடிர்பெக்கை வீழ்த்தினார்.நான்கு சுற்று முடிவில் அமெரிக்காவின் பேபியானோ (3.0) முதலிடத்தில் உள்ளார். அமெரிக்காவின் ஆரோனியன், பிரக்ஞானந்தா தலா 2.5 புள்ளியுடன் அடுத்த இரு இடத்தில் உள்ளனர். குகேஷ் (2.0) 8வது இடத்தில் தொடர்கிறார்.