கோப்பை வென்றார் கார்லஸ் அல்காரஸ்: யு.எஸ்., ஓபன் டென்னிசில் அசத்தல்

நியூயார்க்: யு.எஸ்., ஓபன் டென்னிஸ் ஒற்றையர் பிரிவில் ஸ்பெயினின் அல்காரஸ் சாம்பியன் பட்டத்தை கைப்பற்றினார். பைனலில், இத்தாலி வீரர் ஜானிக் சின்னரை தோற்கடித்தார்.நியூயார்க்கில், யு.எஸ்., ஓபன் கிராண்ட்ஸ்லாம் டென்னிஸ் தொடர் நடந்தது. இதன் ஆண்கள் ஒற்றையர் பிரிவு பைனலில் ஸ்பெயினின் கார்லஸ் அல்காரஸ் 22, இத்தாலியின் ஜானிக் சின்னர் 24, மோதினர். முதல் செட்டை 6-2 எனக் கைப்பற்றிய அல்காரஸ், 2வது செட்டை 3-6 என இழந்தார். பின் எழுச்சி கண்ட இவர், அடுத்த இரு செட்களை 6-1, 6-4 என தன்வசப்படுத்தினார்.இரண்டு மணி நேரம், 42 நிமிடம் நீடித்த போட்டியில் அசத்திய அல்காரஸ் 6-2, 3-6, 6-1, 6-4 என்ற செட் கணக்கில் வெற்றி பெற்று, யு.எஸ்., ஓபனில் 2வது முறையாக கோப்பை வென்றார். இதற்கு முன், 2022ல் சாம்பியன் ஆனார். இது, அல்காரஸ் கைப்பற்றிய 6வது கிராண்ட்ஸ்லாம் பட்டம், 23வது ஏ.டி.பி., ஒற்றையர் பட்டம் ஆனது. ஏற்கனவே பிரெஞ்ச் ஓபன் (2024, 2025), விம்பிள்டனில் (2023, 2024) தலா 2 முறை கோப்பை வென்றிருந்தார். சமீபத்தில் லண்டனில் நடந்த விம்பிள்டன் பைனலில் சின்னரிடம் கண்ட தோல்விக்கு பதிலடி கொடுத்தார் அல்காரஸ்.ரூ. 44 கோடி பரிசுபைனலில் வெற்றி பெற்ற அல்காரஸ், கோப்பையுடன் ரூ. 44 கோடி பரித் தொகை பெற்றார். இரண்டாவது இடம் பிடித்த ஜானிக் சின்னருக்கு, ரூ. 22 கோடி பரிசாக வழங்கப்பட்டது.'நம்பர்-1' இடம்யு.எஸ்., ஓபனில் கோப்பை வென்ற ஸ்பெயினின் அல்காரஸ், ஏ.டி.பி., ஒற்றையர் பிரிவு தரவரிசையில் 5வது முறையாக 'நம்பர்-1' இடத்துக்கு முன்னேறினார். கடந்த 2022, செப். 12ல் வெளியான தரவரிசையில் முதன்முறையாக முதலிடத்தை கைப்பற்றினார் அல்காரஸ். இத்தாலியின் சின்னர், 2வது இடத்துக்கு தள்ளப்பட்டார். இத்தொடரில் அரையிறுதி வரை சென்ற செர்பியாவின் ஜோகோவிச், 7 வது இடத்தில் இருந்து 4வது இடத்துக்கு முன்னேறினார். மூன்றாவது இடத்தில் ஜெர்மனியின் அலெக்சாண்டர் ஸ்வெரேவ் உள்ளார்.