விம்பிள்டன் டென்னிஸ்: காலிறுதியில் சபலென்கா

லண்டன்: விம்பிள்டன் டென்னிஸ் காலிறுதிக்கு பெலாரசின் சபலென்கா முன்னேறினார்.லண்டனில், விம்பிள்டன் கிராண்ட்ஸ்லாம் டென்னிஸ் தொடர் நடக்கிறது. ஆண்கள் ஒற்றையர் 3வது சுற்றில் செர்பியாவின் நோவக் ஜோகோவிச், மியோமிர் கெக்மனோவிச் மோதினர். அபாரமாக ஆடிய ஜோகோவிச் 6-3, 6-0, 6-4 என்ற நேர் செட் கணக்கில் வெற்றி பெற்றார். மற்றொரு 3வது சுற்றில் ஆஸ்திரேலியாவின் அலெக்ஸ் டி மினார் 6-4, 7-6, 6-3 என சுவீடனின் ஹோல்ம்கிரெனை வீழ்த்தினார். அமெரிக்காவின் பென் ஷெல்டன் 6-3, 7-6, 6-2 என ஹங்கேரியின் மார்டன் புக்சோவிச்கை தோற்கடித்தார். குரோஷியாவின் மரின் சிலிக் 6-3, 3-6, 6-2, 6-4 என ஸ்பெயினின் ஜாம் முனாரை வென்றார்.காலிறுதியில் பிரிட்ஸ்: ஆண்கள் ஒற்றையர் பிரிவு 4வது சுற்றில் அமெரிக்காவின் டெய்லர் பிரிட்ஸ், ஆஸ்திரேலியாவின் ஜோர்டான் தாம்ப்சன் மோதினர். இதில் பிரிட்ஸ் 6-1, 3-0 என முன்னிலையில் இருந்த போது, ஆஸ்திரேலிய வீரர் காயத்தால் பாதியில் விலகினார். இதனையடுத்து பிரிட்ஸ் வெற்றி பெற்றதாக அறிவிக்கப்பட்டு காலிறுதிக்கு தகுதி பெற்றார். மற்றொரு 4வது சுற்றில் ரஷ்யாவின் கரென் கச்சனோவ் 6-4, 6-2, 6-3 என போலந்தின் கமிலை வென்றார்.காலிறுதியில் சபலென்கா: பெண்கள் ஒற்றையர் பிரிவு 4வது சுற்றில் ரஷ்யாவின் அனஸ்டாசியா பவ்லிசென்கோவா, பிரிட்டனின் சோனய் கார்டல் மோதினர். அபாரமாக ஆடிய பவ்லிசென்கோவா 7-6, 6-4 என்ற நேர் செட் கணக்கில் வெற்றி பெற்று காலிறுதிக்கு முன்னேறினார்.மற்றொரு 4வது சுற்றில் உலகின் 'நம்பர்-1' பெலாரசின் அரினா சபலென்கா, பெல்ஜியத்தின் எலிஸ் மெர்டென்ஸ் மோதினர். இதில் சபலென்கா 6-4, 7-6 என வெற்றி பெற்று காலிறுதிக்கு முன்னேறினார்.