பவித்சிங் நினைவு டி-20 கிரிக்கெட் பைனலில் லயோலா கல்லுாரி
சென்னை,வேளச்சேரியில் உள்ள குருநானக் கல்லுாரி சார்பில், பவித்சிங் நினைவு டி-20 கிரிக்கெட் போட்டிகள் நடக்கின்றன.இதில் ஆண்களுக்கான 'லீக்' போட்டியில், தொடர் வெற்றியைக் குவித்த லயோலா கல்லுாரி அணி, அரையிறுதியில் கோவை கே.பி.ஆர்., கல்லுாரி அணியை எதிர்கொண்டது.முதலில் களமிறங்கிய லயோலா அணி, நிர்ணயிக்கப்பட்ட 20 ஓவரில், 7 விக்கெட் இழப்பிற்கு, 176 ரன்கள் எடுத்தது.சவாலான இலக்குடன் களமிறங்கிய கே.பி.ஆர்., அணி, 137 ரன்களில் ஆட்டமிழந்தது.இதனால், லயோலா கல்லுாரி அணி, 39 ரன்களில் வெற்றி பெற்று இறுதிப் போட்டிக்கு முன்னேறியது.மற்றொரு போட்டியில், குருநானக் கல்லுாரி அணி வெற்றி பெற்றது.