கூணங்கரணை மயான பாதையில் சிமென்ட் சாலை அமைக்க கோரிக்கை
அச்சிறுபாக்கம்:அச்சிறுபாக்கம் ஒன்றியத்திற்கு உட்பட்டு அன்னங்கால் ஊராட்சி உள்ளது.அன்னங்கால் ஊராட்சிக்கு உட்பட்டு கூணங்கரணை கிராமத்தில் 100 க்கும் மேற்பட்ட குடும்பத்தினர் வசித்து வருகின்றனர்.இப்பகுதியில், அன்னங்கால் - கூணங்கரனை சாலையில், மயானத்திற்கு செல்லும் மண்பாதை உள்ளது.மழைக்காலங்களில், இறந்தவர்களின் சடலங்களை கொண்டு செல்ல மிகவும் சிரமமாக உள்ளது.அதனால், மண்பாதையை தரம் உயர்த்தி, சிமென்ட் சாலையாக அமைக்க, ஊராட்சி, ஒன்றிய அதிகாரிகள் உரிய நடவடிக்கை எடுக்க வேண்டும் என, அப்பகுதியினர் கோரிக்கை விடுத்துள்ளனர்.