கீழ்மருவத்துார் ஊராட்சியில் உங்களுடன் ஸ்டாலின் முகாம்
மதுராந்தகம்:சித்தாமூர் ஒன்றியம், கீழ்மருவத்துார் ஊராட்சியில், உங்களுடன் ஸ்டாலின் முகாம் நடந்தது. இதில், வருவாய்த்துறை, ஊரக வளர்ச்சித்துறை, வேளாண்மை, கூட்டுறவு உள்ளிட்ட 15 துறைகள் வாயிலாக, 46 சேவைகள் வழங்கப்பட்டன. வீட்டுமனைப் பட்டா, மகளிர் உரிமைத்தொகை, தொகுப்பு வீடு, மின் இணைப்பு, ஆதார் அட்டை, மருத்துவ காப்பீடு அட்டை, குடும்ப அட்டை என, பல்வேறு கோரிக்கைகளை பொதுமக்கள் மனுவாக, துறை சார்ந்த அதிகாரிகளிடம் வழங்கினர். முகாமில், 400-க்கும் மேற்பட்ட மனுக்கள் பெறப்பட்டன.