மாடியிலிருந்து தவறி விழுந்து தொழிலாளி பலி

புதுப்பட்டினம்:புதுப்பட்டினத்தில், மேற்கு வங்க வாலிபர், மூன்றாம் மாடியிலிருந்து தவறி விழுந்து உயிரிழந்தார்.மேற்கு வங்க மாநிலத்தைச் சேர்ந்த மனோஜ் ரபிதாஸ், 35; கல்பாக்கம் அடுத்த, புதுப்பட்டினம் பகுதியில், கட்டுமான தொழில் செய்பவரிடம், கூலித் தொழிலாளியாக இருந்தார். பஜார் சாலையில் உள்ள கட்டடத்தில், மூன்றாம் மாடியில், பலருடன் தங்கியிருந்தார்.நேற்று முன்தினம் இரவு, உடனிருந்தவர்களுடன் தீபாவளி கொண்டாடி மது அருந்தியதாக கூறப்படும் நிலையில், நேற்று; காலை 5:00 மணிக்கு, தரையில் ரத்த வெள்ளத்தில் பிணமாக கிடந்தார்.கல்பாக்கம் போலீசார், பிரேதத்தை கைப்பற்றி, செங்கல்பட்டு அரசு மருத்துவக் கல்லுாரி மருத்துவமனைக்கு அனுப்பினர். இரவில் மாடியிலிருந்து தவறி, விழுந்து இறந்திருக்கலாம் என கருதி, போலீசார் விசாரிக்கின்றனர். அவருடன் பணிபுரியும் அப்துல் ராமதாஸ், போலீசில் புகார் அளித்தார்.