டி.டி.கே., சாலையில் பள்ளம் போக்குவரத்து மாற்றம்
சென்னை, டி.டி.கே., சாலை - அம்புஜம்மாள் தெரு சந்திப்பில், சாலையில் ஏற்பட்ட பள்ளத்தால், போக்குவரத்து தற்காலிகமாக மாற்றப்பட்டுள்ளது.ராயப்பேட்டை டி.டி.கே., சாலையில் இருந்து கதீட்ரல்சாலை அல்லது ஆர்.கே., சாலை செல்லும் வாகனங்கள், ஆழ்வார்பேட்டை சந்திப்பில் இடது புறம், முரேஸ் கேட் சாலை வழியாக திருப்பிவிடப்பட்டு உள்ளன.பின், சேஷாத்ரி சாலை -கஸ்துாரி ரங்கன் சாலை - கதீட்ரல் சாலை வழியாக ஆர்.கே., சாலை செல்லலாம்.டி.டி.கே., சாலை - அம்புஜம்பாள் தெரு சந்திப்பில் விழுந்த பள்ளத்தை சீரமைக்கும் பணியில், குடிநீர் வாரியத்தினர் ஈடுபட்டுள்ளனர். இப்பணி, ஓரிரு வாரம் நடக்கும் என்பதால், அதுவரை போக்குவரத்து மாற்றம் இருக்கும் என கூறப்படுகிறது.