கரூரில் நாளை மாதாந்திர மின் குறைதீர் கூட்டம்

கரூர், கரூரில் மாதாந்திர மின் குறைதீர் கூட்டம், நாளை (10 ல்) நடக்கிறது.இதுகுறித்து, கரூர் மின்வாரிய மேற்பார்வை பொறியாளர் சிவக்குமார் விடுத்துள்ள செய்திக்குறிப்பு: கரூர் மின் பகிர்மான வட்டம் சார்ந்த பகுதியில், மாதாந்திர மின் குறைதீர் கூட்டம், மூன்று இடங்களில் நடக்கிறது. அதன்படி நாளை (10ல்) காலை, 11:00 மணிக்கு கரூர் செயற்பொறியாளர் அலுவலகத்தில் மின் குறைதீர் கூட்டம் நடக்கிறது. வரும், 17 காலை, 11:00 மணிக்கு குளித்தலை செயற்பொறியாளர் அலுவலகத்திலும், 24ல் காலை, 11:00 மணிக்கு கரூர் கிராமியம் செயற்பொறியாளர் அலுவலகத்திலும் மின் குறைதீர் கூட்டம் நடக்கிறது. அதில், பொது மக்கள் பங்கேற்று பயன் பெறலாம். இவ்வாறு, செய்திக்குறிப்பில் தெரிவித்துள்ளார்.