பைக் மீது லாரி மோதி தனியார் ஊழியர் பலி
திருவேற்காடு: போரூரைச் சேர்ந்தவர் வேல்முருகன், 38. இவர், நசரத்பேட்டையில் உள்ள தனியார் நிறுவனத்தில் வேலை பார்த்து வந்தார். வேலை நிமித்தமாக தன் 'பஜாஜ் சிடி100' பைக்கில், நேற்று மாலை பூந்தமல்லி நெடுஞ்சாலையில் சென்று கொண்டிருந்தார்.திருவேற்காடு, வேலப்பன்சாவடி மேம்பாலத்தில் சென்றபோது, பைக்கில் லாரி மோதியது. கீழே விழுந்த வேல்முருகன், சம்பவ இடத்திலேயே உயிரிழந்தார்.ஆவடி போக்குவரத்து புலனாய்வு பிரிவு போலீசார், உடலை மீட்டு பிரேத பரிசோதனைக்காக போரூரில் உள்ள மருத்துவமனையில் சேர்த்தனர். விபத்து ஏற்படுத்தி லாரியை நிறுத்தாமல் சென்ற ஓட்டுனர் குறித்து விசாரிக்கின்றனர்.