4,500 தபால் அனுப்பிய மாணவர்கள்
அம்பத்துார்: அம்பத்துார், புதுார் பகுதியில் சேதுபாஸ்கரா மேல்நிலைப்பள்ளி இயங்கி வருகிறது. தேசிய தபால் வாரத்தை முன்னிட்டு, தலைமை தபால் அலுவலகத்திற்கு மாணவ – மாணவியர் தபால் அனுப்பும் நிகழ்வு, நேற்று நடந்தது. அதன்படி, 4,500 மாணவர்கள், 20,000 ரூபாய் மதிப்புள்ள தபால் தலைகளை வாங்கி, தலைமை தபால் அலுவலகத்துக்கு, ஒரே நேரத்தில் தபால் துறை தொடர்பான தங்களது கருத்துக்களை அனுப்பினர். வாழ்நாளில் முதல் முறையாக தபால் அனுப்புவதாகவும், தபால் தலைகள் மற்றும் பயன்பாடுகள் குறித்து, இந்நிகழ்வின் வாயிலாக தெரிந்து கொண்டதாகவும் மாணவ – மாணவியர் தெரிவித்தனர்.