திருவள்ளூர் டிவிஷன் கிரிக்கெட் வாப்கோ இந்தியா சாம்பியன்

சென்னை :திருவள்ளூர் மாவட்ட கிரிக்கெட் சங்கம் சார்பில், டிவிஷன் லீக் சாம்பியன்ஷிப் போட்டிகள், ஆவடி அடுத்த பட்டாபிராம் பகுதியில் நடந்து வருகின்றன.இதில், இரண்டாவது டிவிஷன் ஆட்டத்தில், மொத்தம் எட்டு அணிகள், இரு குழுக்களாக பிரிந்து, 'லீக்' மற்றம் 'பிளே ஆப்' முறையில் மோதின.இரு குழுக்களில், முதல் இரு இடங்களை பிடித்த யுனிவர்சல் சி.சி., மற்றும் வாப்கோ இந்தியா ஆர்.சி., அணிகள் இறுதிப் போட்டிக்கு தகுதி பெற்றன.நேற்று முன்தினம் நடந்த இறுதிப் போட்டியில், முதலில் பேட்டிங் செய்த யுனிவர்சல் சி.சி., அணி, 25.4 ஓவர்களில் ஆல் அவுட் ஆகி, 152 ரன்களை அடித்தது. எதிர் அணியின் வீரர் மணி கார்த்திக், 44 ரன்களுக்கு ஐந்து விக்கெட்டுகளை வீழ்த்தினார்.அடுத்து பேட்டிங் செய்த வாப்கோ இந்தியா ஆர்.சி., அணி, 25.3 ஓவர்களில், நான்கு விக்கெட்டுகள் இழப்புக்கு, 155 ரன்களை அடித்து, ஆறு விக்கெட் வித்தியாசத்தில் வெற்றி பெற்று, சாம்பியன் பட்டத்தை வென்றது.மூன்றாவது டிவிஷனில் இருந்த திருத்தணி சிசி., மற்றும் யுனைடெட் சி.சி., அணிகள் நான்காம் டிவிஷனுக்கு தரமிறக்கப்பட்டன.ஒட்டுமொத்த போட்டியில், யுனிவர்சல் சி.சி., அணி வீரர் விக்னேஷ், மூன்று அரை சதங்களுடன், 236 ரன்கள் குவித்தார். அதே அணியின் வீரர் தனகோடி, 17 விக்கெட்டுகளை சாய்த்தார்.