வாலிபால்: எஸ்.ஆர்.எம்., மீண்டும் சாம்பியன்

சென்னை : தமிழ்நாடு கைப்பந்து கழகம் மற்றும் சென்னை மாவட்ட கைப்பந்து சங்கம் சார்பில், எஸ்.என்.ஜே., குழுமம் சார்பில், மாவட்ட அளவிலான 'ஏ' டிவிஷன் கைப்பந்து போட்டிகள், எழும்பூர் ராதாகிருஷ்ணன் அரங்கில் நடந்தன.இதில், எஸ்.ஆர்.எம்., பல்கலை, ஐ.சி.எப்., வருமான வரித்துறை, இந்தியன் வங்கி, டி.ஜி.வைஷ்ணவ் உட்பட எட்டு அணிகள், 'ரவுண்ட் ராபின்' முறையில் நடந்தன. போட்டியில் மொத்தமுள்ள ஏழு ஆட்டத்தில், அனைத்து போட்டிகளையும் வென்று நடப்பு சாம்பியன் எஸ்.ஆர்.எம்., பல்கலை அணி, மீண்டும் சாம்பியன் பட்டம் வென்று அசத்தியது. ஐந்து போட்டிகளை வென்று டி.ஜி.வைஷ்ணவ் அணி இரண்டாவது இடத்தையும், இந்தியன் வங்கி அணி மூன்றாவது இடத்தையும் வென்றன.முதலிடம் பிடித்த எஸ்.ஆர்.எம்., பல்கலை அணிக்கு 1.50 லட்சம் ரூபாய், கோப்பை மற்றும் சான்றிதழ் வழங்கப்பட்டது. இரண்டாம் இடம் பிடித்த டி.ஜி.வைஷ்ணவ் அணிக்கு, 1 லட்சம் ரூபாய் பரிசு வழங்கப்பட்டது.