சிறுவாணியில் 51 மி.மீ., மழை; 42.87 அடியாக நீர் மட்டம் உயர்வு

கோவை : சிறுவாணி அணையின் நீர்ப்பிடிப்பு பகுதியில், 51 மி.மீ., மழை பதிவாகியுள்ளது; நீர் மட்டம், 42.87 அடியாக உயர்ந்திருக்கிறது.கோவை மாநகராட்சியின் மேற்குப்பகுதி மற்றும் வழியோர கிராமப் பகுதிகளுக்கு முக்கிய குடிநீர் ஆதாரமாக, சிறுவாணி அணை திகழ்கிறது. இதன் நீர்ப்பிடிப்பு பகுதியில், ஞாயிற்றுக்கிழமையில் இருந்து மழைப்பொழிவு காணப்படுகிறது. கடந்த, 25ம் தேதி - 26 மி.மீ., 26ம் தேதி - 20 மி.மீ., 27ம் தேதி - 12 மி.மீ., 28ம் தேதி - 20 மி.மீ., 29ம் தேதி - 51 மி.மீ., மழை பதிவாகியுள்ளது.நேற்று காலை, 8:00 மணி நிலவரப்படி, அணையின் நீர்ப்பிடிப்பு பகுதியில், 51 மி.மீ., அடிவாரத்தில், 17 மி.மீ., மழை பெய்திருக்கிறது. இதன் காரணமாக, 42.87 அடியாக நீர் மட்டம் உயர்ந்திருக்கிறது. குடிநீர் தேவைக்காக, 10.34 கோடி லிட்டர் தண்ணீர் எடுக்கப்பட்டு, கோவை மக்களுக்கு சப்ளை செய்யப்பட்டது.