பராமரிப்பு பணி நடப்பதால் ரயில்கள் இயக்கத்தில் மாற்றம்

கோவை; சேலம் கோட்டத்தின் பல்வேறு ரயில்வே ஸ்டேஷன்களில், பராமரிப்பு பணிகள் நடக்க உள்ளதால், ரயில் இயக்கத்தில் மாற்றம் செய்யப்பட்டுள்ளதாக, ரயில்வே நிர்வாகம் அறிவித்துள்ளது.அதன்படி, ஆலப்புழா - தன்பாத்(13352) ரயில், ஆலப்புழாவில் இருந்து காலை 6:00 மணிக்கு புறப்படும். இன்று, 15, 16 ம் தேதிகளில் இந்த ரயில், கோவை ரயில்வே ஸ்டேஷன் செல்லாது.போத்தனுார் - இருகூர் ரயில் பாதையில் இயக்கப்படும். இந்த ரயில் போத்தனுாரில், மதியம், 12:17 மணிக்கு வந்து, மதியம் 12:20 மணிக்கு புறப்படும்.எர்ணாகுளம் - கே.எஸ்.ஆர்., பெங்களூரு(12678) எக்ஸ்பிரஸ் ரயில் எர்ணாகுளத்தில் இருந்து காலை 9:10 மணிக்கு புறப்படும்.இன்று, 15, 16ம் தேதிகளில் இந்த ரயில், கோவை ரயில்வே ஸ்டேஷன் செல்லாது. போத்தனுார் - இருகூர் ரயில் பாதையில் இயக்கப்படும். இந்த ரயில் போத்தனுாரில், மதியம், 12:47 மணிக்கு வந்து, மதியம் 12:50 மணிக்கு புறப்படும்.எர்ணாகுளம் - டாட்டா நகர்(18190) எக்ஸ்பிரஸ் ரயில் எர்ணாகுளத்தில் இருந்து காலை 7:15 மணிக்கு புறப்படும். இன்றும், 15 ம் தேதியும் இந்த ரயில் போத்தனுார், கோவை, இருகூர் வழியாக மாற்றுப்பாதையில் இயக்கப்படும் என, ரயில்வே நிர்வாகம் அறிவித்துள்ளது.