வாழைத்தார் வரத்து குறைவு; விலை சரிய வாய்ப்பில்லை

கிணத்துக்கடவு; கிணத்துக்கடவு தினசரி காய்கறிகள் மார்க்கெட்டில், நேற்று நேந்திரன் வாழைத்தார் வரத்து இல்லை என வியாபாரிகள் தெரிவித்தனர்.கிணத்துக்கடவு தினசரி காய்கறி மார்க்கெட்டில், நேற்று (14ம் தேதி) செவ்வாழை கிலோ - 85, கதளி --- 45, பூவன் --- 35, ரஸ்தாளி --- 45, சாம்பிராணி வகை வாழைத்தார் --- 45 ரூபாய்க்கு விற்பனை ஆனது.கடந்த வாரத்தை விட, சாம்பிராணி வாழைத்தார் மட்டும் கிலோவுக்கு, 5 ரூபாய் விலை உயர்ந்து காணப்பட்டது. மற்ற வாழைத்தார் விலை, கடந்த வாரம் இருந்த நிலையிலேயே இருந்தது.வியாபாரிகள் கூறுகையில், 'மார்க்கெட்டில் நேற்று, நேந்திரன் தவிர மற்ற அனைத்து வகை வாழைத்தார் வரத்தும் இருந்தது. மேலும், இம்மாத இறுதி வரை வாழைத்தார் வரத்து குறைவாகவே இருக்கும். அதனால், விலை குறைவதற்கு வாய்ப்பு இல்லை,' என்றனர்.