காய்கறி மார்க்கெட்டுக்கு தக்காளி வரத்து அதிகரிப்பு

கிணத்துக்கடவு: கிணத்துக்கடவு தினசரி காய்கறி மார்க்கெட்டில், தக்காளி வரத்து அதிகமானதால் விலை குறைந்தது. கிணத்துக்கடவு தினசரி காய்கறி மார்க்கெட்டில், தக்காளி (15 கிலோ பெட்டி) ---- 200, தேங்காய் ஒன்று - 40, கத்தரிக்காய் கிலோ - 44, முருங்கைக்காய் --- 70, வெண்டைக்காய் -- 25, முள்ளங்கி --- 38, பூசணிக்காய் --- 15, அரசாணிக்காய் --- 16, பாகற்காய் --- 40, புடலை --- 35, சுரைக்காய் --- 35, பீர்க்கங்காய் --- 50, பீட்ரூட் --- 20, வெள்ளரிக்காய் --- 20, அவரைக்காய் --- 50 மற்றும் பச்சை மிளகாய் --- 40 ரூபாய்க்கு விற்பனையானது. கடந்த வாரத்தைக்காட்டிலும் தற்போது, தக்காளி (15 கிலோ பெட்டி) -- 100, கத்தரிக்காய் கிலோ - 25, வெண்டைக்காய் --- 23, அரசாணிக்காய் --- 14, பாகற்காய் மற்றும் வெள்ளரிக்காய் --- 5, அவரைக்காய் --- 50 மற்றும் பச்சை மிளகாய் --- 10 ரூபாய் விலை குறைந்தது. இதேபோன்று, முருங்கைக்காய் மற்றும் சுரைக்காய் --- 10, பீர்க்கங்காய் --- 5 ரூபாய் விலை அதிகரித்து காணப்பட்டது. வியாபாரிகள் கூறுகையில், 'கிணத்துக்கடவு மார்க்கெட்டில் காய்கறிகள் அனைத்தும், 300 கிலோ வரை கூடுதலாக இருந்தது. குறிப்பாக, தக்காளி மட்டும் ஆயிரம் பெட்டிகள் வரத்து அதிகமாக இருந்தது. இதனால், பெரும்பாலான காய்கறிகள் விலை குறைந்து காணப்பட்டது,' என்றனர்.