உள்ளூர் செய்திகள்

/ உள்ளூர் செய்திகள் / கோயம்புத்தூர் /  எந்த பிரச்னை என்றாலும் தீர்வு: மாநகராட்சி ஆணையர் உறுதி

 எந்த பிரச்னை என்றாலும் தீர்வு: மாநகராட்சி ஆணையர் உறுதி

கோவை: மாநகராட்சி அலுவலகத்தில் மக்கள் குறை தீர்ப்பு கூட்டம் நடந்தது. 49 கோரிக்கை மனுக்கள் அளிக்கப்பட்டன. பீளமேடு நெல்லை ஸ்டோர் பின்புறம் சாலையை சீர் செய்வது, 68வது வார்டு ஹோஸ்மின் நகர் முதல் ரத்தினபுரி வரை புதிய சென்டர் மீடியன் தெருவிளக்கு அமைப்பது, பவர்ஹவுஸ் பகுதியில் நவீன கழிப்பிடம் அமைப்பது, குனியமுத்தூர் பி.கே.ஜி.கார்டன் பகுதியில் கழிவு நீர் தேக்கத்தை சரி செய்வது உள்ளிட்ட கோரிக்கைகளை நிறைவேற்றுமாறு மனுக்கள் அளிக்கப்பட்டன. தமிழகம் முழுவதும் மக்கும், மக்காத கழிவுகளை மூலத்திலேயே பிரித்து சேகரிக்கும் பச்சை -- நீல இருவாளி திட்டத்தை மீண்டும் அமல்படுத்தி, திடக்கழிவு மேலாண்மை திட்டத்தை வலுப்படுத்த வேண்டும் என்று மனு வழங்கப்பட்டது. இந்த மனுக்கள் மட்டுமல்லாமல், மாநகராட்சி சார்ந்த எந்த பிரச்னையாக இருந்தாலும் என் கவனத்துக்கு கொண்டு வரலாம். அதிகாரிகள் ஒத்துழைப்புடன் சரி செய்ய தயார், என்று கமிஷனர் ரவி தேஜா கூறினார். மக்கள் குறைதீர்ப்பு நாட்களில் நேரடியாகவும், மற்ற நாட்களில் 8190000200 என்கிற எண்ணில் வாட்ஸ் அப் மூலமாகவும், அலைபேசியில் அழைத்தும் கமிஷனரிடம் பிரச்னைகளை கொண்டு செல்லலாம்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 2 )

Tetra
ஜூன் 11, 2026 20:17

இதெல்லாம் பொய்யா. பக்கத்துல இருக்கிற திருவல்லிக்கேணியை பாக்க சொல்லுங்க. ஓட்டை ரோடு சாக்கடை தண்ணி , வாகனங்கள் நிறுத்தம், திரியும் மாடுகள் சாணி சே


JeevaKiran
ஜூன் 10, 2026 11:32

அப்போ இத்தனை நாளாக ஏன் செய்யவில்லை?


அதிகம் விமர்ச்சிக்கப்பட்டவை