வெங்காயம், தக்காளி விலை குறையும்

கோவை; தமிழகத்தில், வெங்காயம், தக்காளி ஆகியவற்றின் விலை தற்போது குறைய துவங்கியுள்ளது. கோவையில் நேற்று பெரிய வெங்காயம் 30-35 ரூபாய், சின்ன வெங்காயம் 40-70 ரூபாய், பூண்டு 300-350 ரூபாய், முருங்கை 250 ரூபாய், கேரட் 40 ரூபாய், முட்டைக்கோஸ் 15 ரூபாய், பீன்ஸ் 60 ரூபாய், ஊட்டி பீட்ரூட் 60 ரூபாய், உருளைகிழங்கு 30 ரூபாய், வெண்டை காய் மற்றும் புடலங்காய் 30 ரூபாய், பச்சை மிளகாய் 35 ரூபாய், கத்தரி 15 ரூபாய் விலைக்கு விற்பனை செய்யப்பட்டது.கோவைக்கு கர்நாடகா, தமிழக மாவட்டங்கள், ஓசூர், மைசூர் உள்ளிட்ட பல்வேறு பகுதிகளில் இருந்து காய்கறி வரத்து உள்ளது. பெரிய வெங்காயம், தக்காளி விலை கடந்த சில நாட்கள் முன், விலை ஏற்றம் கண்ட நிலையில், தற்போது குறைந்து காணப்படுகிறது. வெங்காயம், தக்காளி விலை குறைந்துள்ளது. வரத்து அதிகரிக்கும் நிலையில் மேலும் குறையதுவங்கும்.