ராமகிருஷ்ணா மருத்துவமனைக்கு சிறந்த சஞ்சீவினி ஹெல்த்கேர் விருது

கோவை; மத்திய வர்த்தகம் மற்றும் தொழில்துறை அமைச்சகத்தின் கீழ் உள்ள சேவைகள் ஏற்றுமதி ஊக்குவிப்பு கவுன்சில், பி.டபிள்யு., ஹெல்த் கேர் வேர்ல்ட் எனும் நிறுவனத்துடன் இணைந்து சஞ்சீவினி எனும் மருத்துவ கண்காட்சியை, டில்லியில் நடத்தியது. இதன் ஒரு பகுதியாக, மருத்துவமனைகளுக்கான 'சஞ்சீவினி ஹெல்த்கேர் எக்ஸலன்ஸ் விருதுகள்' வழங்கும் விழா நடந்தது. இதில், கோவை ஸ்ரீ ராமகிருஷ்ணா மருத்துவமனைக்கு, 'தெற்கு மண்டலத்தில் வேகமாக வளர்ந்து வரும் மிகச்சிறந்த மருத்துவமனை' என்ற பிரிவில், சஞ்சீவினி விருது வழங்கப்பட்டுள்ளது.எஸ்.என்.ஆர்., சன்ஸ் அறக்கட்டளையின் நிர்வாக அறங்காவலர் சுந்தர், மருத்துவமனை கண்காணிப்பாளர் அழகப்பன் ஆகியோர் விருதை பெற்றுக்கொண்டனர்.இந்த மதிப்புமிக்க விருதைப் பெறுவது, நாங்கள் வழங்கும் மருத்துவ சேவையின் தரத்தை தொடர்ந்து மேம்படுத்த, ஊக்கமளிக்கிறது என்று நிர்வாக அறங்காவலர் சுந்தர் தெரிவித்தார்.