தினமலர்- பட்டம் இதழ் வினாடி - வினா போட்டி: மாணவர்கள் ஆர்வத்துடன் பங்கேற்பு

பொள்ளாச்சி : 'தினமலர்' நாளிதழ் மாணவர் பதிப்பான, 'பட்டம்' மற்றும் சென்னை இன்ஸ்டிடியூட் ஆப் டெக்னாலஜி சார்பில், 'பதில் சொல்; பரிசை வெல்' என்ற வினாடி --- வினா போட்டி பொள்ளாச்சி அருகே, ஜமீன்ஊத்துக்குளி செண்பகம் மெட்ரிக் மேல்நிலைப்பள்ளியில் நடந்தது.பள்ளி மாணவர்களுக்கு அறிவியல் ஆய்வுத்திறன், கணிதம், மொழித்திறனை ஊக்குவிக்கும் வகையில், 'தினமலர்' நாளிதழ் மாணவர் பதிப்பு, 'பட்டம்' இதழ் வெளியிடப்படுகிறது. திங்கள் முதல் வெள்ளி வரை, 'பட்டம்' இதழ் பள்ளிகளில் கிடைக்கும்.இதை வாசிக்கும் மாணவர்களை உற்சாகப்படுத்தவும், அவர்களின் கற்றல் சார்ந்த தேடலை விரிவுப்படுத்தும் வகையிலும், 2018 முதல், மெகா வினாடி -வினா போட்டி நடத்தப்படுகிறது.நடப்பாண்டு, வினாடி -வினா போட்டி, 'பட்டம்' மற்றும் சென்னை இன்ஸ்டிடியூட் ஆப் டெக்னாலஜி சார்பில், பொள்ளாச்சி அருகே ஜமீன்ஊத்துக்குளி செண்பகம் மெட்ரிக் மேல்நிலைப்பள்ளியில் நடந்தது. எஸ்.எஸ்.வி.எம்., கல்வி நிறுவனமும் கரம் கோர்த்துள்ளது. 'கோ - ஸ்பான்சர்' ஆக சத்யா ஏஜென்சி இணைந்து உள்ளது.பள்ளியில், நேற்று நடந்த போட்டியில், 407 மாணவர்கள் பங்கேற்றனர். அதிக புள்ளிகள் பெற்ற, 16 பேரை, எட்டு அணிகளாக பிரித்து இறுதிச்சுற்று போட்டி நடந்தது. மூன்று கட்டங்களாக நடந்த இப்போட்டியில், முதல் பரிசை, 'எப்' அணியை சேர்ந்த, 6ம் வகுப்பு பரத்ராமகிருஷ்ணன், 7ம் வகுப்பு சூர்யா ஜோடி வென்றது.போட்டியில் பங்கேற்ற மாணவ, மாணவியரை பள்ளிச் செயலாளர் மெட்ரோசேவியர், பள்ளி முதல்வர் மேக்டலின் மற்றும் ஒருங்கிணைப்பாளர்கள் பாத்திமாநிஜாரா, மலர்விழி, ஆசிரியர்கள் பாராட்டி, சான்றிதழ்கள் மற்றும் பதக்கங்களை வழங்கினர்.கோவை, திருப்பூர், நீலகிரி மாவட்டங்களில் இருந்து முன்பதிவு செய்த, 150க்கும் மேற்பட்ட பள்ளிகளை சேர்ந்த மாணவர்கள் இப்போட்டியில் பங்கேற்கின்றனர். முதலிடம் பிடிக்கும் மாணவர்கள், அரையிறுதியில் பங்கேற்பர். இதில் இருந்து எட்டு அணிகள் தேர்வு செய்யப்பட்டு இறுதி போட்டி நடத்தப்படும்.

சிறந்த வழிகாட்டி

பள்ளி முதல்வர் மேக்டலின்: 'பட்டம்' நாளிதழ் பண்டைய காலங்களின் நிகழ்வுகளை சுட்டிக் காட்டும் அருமையான பதிவு. பிற மாநிலங்களின் கலாசாரம், வாழ்வியல் சூழல் உள்ளிட்டவைகளை தெரிந்து கொள்ள முடியும்.'தினமலர் --- பட்டம்' இதழில் பாட புத்தங்களைத் தாண்டி, பொது அறிவு, போட்டித் தேர்வுகளுக்கான தகவல்கள், வரலாறு, புவியியல் என அனைத்து முக்கிய தகவல்களும் அடங்கியுள்ளன. மாணவர்களின் உயர்கல்விக்கு வழிகாட்டுகிறது. 'தினமலர் - பட்டம்' இதழ் அறிவு பெட்டகமாக விளங்குவதால் அனைத்து மாணவர்களும் படிக்க வேண்டும்.

விருது பெறுவதே லட்சியம்!

மாணவர் பரத்ராமகிருஷ்ணன்: 'தினமலர்' நாளிதழ் வெளியிடும் 'பட்டம்' இதழ் தொடர்ந்து, படிக்கிறேன். இதில், பொதுஅறிவு சார்ந்த பல்வேறு தகவல்கள் உள்ளன. அதன் பேரிலேயே வினாடி வினா போட்டியை எளிதாக எதிர்கொண்டு, வெற்றி பெற முடிந்தது. 'பட்டம்' இதழ் படித்து விருது பெறுவதை லட்சியமாகக் கொண்டுள்ளேன்.மாணவர் சூர்யா: 'தினமலர் -- பட்டம்' இதழை தினமும் படித்து வருகிறேன். இதில், பொதுஅறிவு சார்ந்த அனைத்து தகவல்கள், முக்கிய கேள்வி பதில்கள் அடங்கியுள்ளன. பல புதிய தகவல்களை தினமும் படிப்பதால் பொது அறிவை வளர்த்துக் கொள்ள முடிகிறது. இறுதி போட்டியில் வெல்ல தொடர் முயற்சியும், பயிற்சியும் மேற்கொள்வேன்.