இளநீர் விலை ரூ.2 குறைந்தது

பொள்ளாச்சி; ஆனைமலை தாலுகா பகுதியில், இளநீர் பண்ணை விலை கடந்த வார விலையை விட, இரண்டு ரூபாய் குறைந்துள்ளது.ஆனைமலை இளநீர் உற்பத்தியாளர் சங்கத்தின், தலைமை ஒருங்கிணைப்பாளர் சீனிவாசன் கூறியதாவது:இந்த வாரம், நல்ல தரமான குட்டை நெட்டை வீரிய ஒட்டு இளநீரின் விலை, கடந்த வார விலையை விட, இரண்டு ரூபாய் குறைக்கப்பட்டு, 22 ரூபாய் நிர்ணயம் செய்யப்படுகிறது. ஒரு டன் இளநீரின் விலை, 8,000 ரூபாய் என நிர்ணயம் செய்யப்பட்டுள்ளது.செவ்விளநீரின் வரத்து குறைவு காரணமாக, 28 ரூபாய் வரை விற்பனை ஆகிறது. பச்சை இளநீர் வரத்து கணிசமாக உயர்ந்து காணப்படுகிறது. வடமாநிலங்களில் பனிப்பொழிவு காரணமாகவும், தமிழ்நாட்டில் புயல் மழை காரணமாகவும் இளநீரின் விலை குறைக்கப்பட்டுள்ளது.இவ்வாறு, அவர் கூறினார்.