தாயை தாக்கிய மகன் கைது
விருத்தாசலம்: மதுபோதையில் தாயை தாக்கிய மகனை போலீசார் கைது செய்தனர். விருத்தாசலம் அடுத்த சித்தேரிகுப்பம் கிழக்குத்தெருவை சேர்ந்தவர் ராதாகிருஷ்ணன் மனைவி ரத்னாயாள், 54; இவரது மூத்த மகன் வீரமணி, 36; நேற்று முன்தினம் மாலை, 3:00 மணியளவில், மதுபோதையில் வீட்டிற்கு வந்த வீரமணியிடம், ‘ஏன் மது அருந்திவிட்டு வருகிறாய்,’ எனக்கேட்டதால் ஆத்திரமடைந்த அவர், ரத்னாயாளை கட்டையால் தலையில் தாக்கினார். படுகாயமடைந்த அவர், விருத்தாசலம் அரசு மருத்துவமனையில் சேர்க்கப்பட்டார். மங்கலம்பேட்டை போலீசார் வழக்குப் பதிந்து, வீரமணியை கைது செய்தனர்.