மலையாண்டவர் கோவிலில் சித்தருக்கு அமாவாசை பூஜை
நடுவீரப்பட்டு : நடுவீரப்பட்டு அடுத்த சி.என்.பாளையம் மலையாண்டவர் கோவிலில் உள்ள குழந்தை சுவாமி சித்தருக்கு நேற்று ஆவணி மாத அமாவாசை சிறப்பு பூஜை நடந்தது. பூஜையையொட்டி, நேற்று காலை 10:00 மணிக்கு சிறப்பு ேஹாமம் நடந்தது. தொடர்ந்து, குழந்தை சித்தருக்கு சிறப்பு அபிஷேக ஆராதனை நடந்தது. மதியம் 12:00 மகா பூர்ணாஹூதி நடந்து, கலசங்கள் ஆலய உலாவாக வந்து சித்தருக்கு கலச அபிஷேகம் நடந்தது. 12:30 மணிக்கு மகா தீபாராதனை நடந்தது. தொடர்ந்து பக்தர்களுக்கு அமுது படைத்தல் நடந்தது. பூஜையில் திரளான பக்தர்கள் சித்தர் குழந்தை சுவாமியை வழிபட்டனர். அதேபோல் நடுவீரப்பட்டு கைலாசநாதர் கோவிலில் உள்ள சித்தர் பச்சகேந்திர சுவாமிக்கு சிறப்பு பூஜை நடந்தது.