துாக்கணாம்பாக்கம் அரசு பள்ளி மாணவர்கள் கபடியில் அசத்தல்
நெல்லிக்குப்பம்: நெல்லிக்குப்பம் அடுத்த துாக்கணாம்பாக்கம் அரசு மேல்நிலைப்பள்ளி தலைமையாசிரியர் ரவி, மாணவர்கள் விளையாட்டிலும் சாதிக்க ஊக்கம் அளித்து வருகிறார்.உதவி தலைமையாசிரியர் வெஸ்லி, உடற்கல்வி இயக்குனர் ராஜேந்திரன்,உடற்கல்வி ஆசிரியை ஸ்னோஸ்டெபிலா ஆகியோர் மாணவர்களுக்கு கபடி உட்பட பல விளையாட்டு பயிற்சிகளை அளித்து வருகின்றனர்.இந்நிலையில், அண்ணாகிராமம் குறுவட்ட அளவில் நடந்த கபடி போட்டியில் வெற்றி பெற்ற இப்பள்ளி மாணவர்கள், மாவட்ட அளவிலும் சாதித்தனர்.இதனால், இப்பள்ளி மாணவர்கள் இருவர் மாநில அளவிலான போட்டிக்கு தகுதி பெற்றுள்ளனர். மாவட்ட அளவில் சாதித்த மாணவர்களை தலைமையாசிரியர் உள்ளிட்ட ஆசிரியர்கள் பாராட்டி பரிசு வழங்கினர்.