மாவட்ட இளையோர் தடகள போட்டி 600 வீரர், வீராங்கனைகள் பங்கேற்பு

தர்மபுரி: தர்மபுரி மாவட்ட விளையாட்டு மைதானத்தில் நடந்த, மாவட்ட அளவிலான, இளையோர் தடகள போட்டியில், 600 பேர் பங்கேற்றனர். தர்மபுரி மாவட்ட தடகள சங்கம் சார்பில், மாவட்ட அளவி-லான, இளையோர் தடகள விளையாட்டு போட்டிகள், தர்மபுரி மாவட்ட விளையாட்டு மைதானத்தில் நேற்று நடந்தது. இதில், 100, 200, 400, 600, 1,000 மீட்டர் ஓட்டம், உயரம் தாண்டுதல், நீளம் தாண்டுதல், குண்டு எறிதல் ஆகிய போட்டிகளில், 14, 16, 18, 20 வயதுக்கு உட்பட்ட வீரர், வீராங்கனைகள் என பல்வேறு பிரிவுகளில், 350 ஆண்கள், 250 பெண்கள் என, 600 பேர் கலந்து கொண்டனர். இதில், மாவட்ட தடகள சங்க தலைவர் சரவணன் தலைமை வகித்து, தடகள சங்கக்கொடியை ஏற்றி வைத்தார். மாவட்ட விளையாட்டு அலுவலர் சாந்தி ஒலிம்பிக் சுடரை ஏற்றி, போட்டிகளை தொடங்கி வைத்தார். மாவட்ட தடகள சங்க செய-லாளர் அறிவு, பொருளாளர் குமார், துணை தலைவர்கள் சந்திர-மோகன், இளங்கோவன் உள்ளிட்ட நிர்வாகிகள் போட்டி ஏற்பாடு-களை செய்திருந்தனர். போட்டியில் வெற்றி பெற்ற வீரர், வீராங்க-னைகளுக்கு பரிசு மற்றும் சான்றிதழ்கள் வழங்கப்பட்டன. இதில், தேர்வான வீரர், வீராங்கனைகள் செப்., 17 முதல், 21 வரை செங்கல்பட்டில் நடக்கவுள்ள, மாநில அளவிலான தடகள போட்டியில் கலந்து கொள்ள உள்ளனர்.